கடக ராசி –  சனி பெயர்ச்சி பலன்கள் 2020  -2023

கடக ராசி – திருக்கணித  சனி பெயர்ச்சி பலன்கள் 2020  -2023

24-01-2020 முதல் 17-01-2023 வரை

பலன்கள், பரிகாரங்கள், அதிர்ஷ்ட குறிப்புகள் அடங்கியது

கணித்தவர்

ஜோதிட மாமணி,

முனைவர் முருகு பால முருகன்

Dip in astro, B.L, M.A.astro. PhD in Astrology.

No: 19/33 வடபழனி ஆண்டவர் கோயில் தெரு,

தபால் பெட்டி எண் – 2255.  வடபழனி,

சென்னை – 600 026 தமிழ்நாடு, இந்தியா.

cell: 0091  7200163001. 9383763001,

கடகம்  புனர்பூசம் 4-ஆம் பாதம், பூசம், ஆயில்யம்

சாந்தமான குணமும், சகிப்புத்தன்மையும், எதிலும் சுறுசுறுப்பாக செயல்படக் கூடிய ஆற்றலும் கொண்ட கடக ராசி நேயர்களே, சந்திரனின் ராசியில் பிறந்த உங்களுக்கு ஒரு ராசியில் நீண்ட நாட்கள் சஞ்சரிக்கும் கிரகமான சனி பகவான் தனது சொந்த வீடான மகர ராசியில் சமசப்தம ஸ்தாமான 7-ஆம் வீட்டில் திருக்கணித சித்தாந்தபடி வரும் 24-01-2020 முதல் 17-01-2023 வரை சஞ்சாரம் செய்ய உள்ளார். சனி 7-ல் சஞ்சாரம் செய்வது கண்டச்சனி என்பதால் ஏற்ற தாழ்வான பலன்கள் உண்டாகும். பண வரவுகள் சுமாராக இருக்கும். உடல் நிலையில் கவனம் செலுத்துவது நல்லது. களத்திர ஸ்தானத்தில் சனி சஞ்சரிப்பதால் கணவன்- மனைவி இடையே தேவையற்ற கருத்து வேறுபாடுகள் உண்டாகும். ஜென்ம ராசி, 4, 9 ஆகிய ஸ்தானங்களை பார்வை செய்வதால் எல்லாம் இருந்தும் அனுபவிக்க முடியாதபடி சுகவாழ்வு, சொகுசு வாழ்வில் பாதிப்பு உண்டாகும். உற்றார் உறவினர்கள் தேவையற்ற பிரச்சினைகளை ஏற்படுத்துவார்கள். தொழில், வியாபாரம் செய்பவர்கள் கூட்டாளிகளையும், சக நண்பர்களையும் அனுசரித்து செல்வது நல்லது. எடுக்கும் முயற்சிகளில் எதிர் நீச்சல் போட்டே முன்னேற வேண்டியிருக்கும். பேச்சில் நிதானத்தை கடைபிடிப்பதும் முன் கோபத்தை குறைத்துக் கொள்வதும் நற்பலனை தரும். அசையும், அசையா சொத்துகளால் வீண் செலவுகள் உண்டாகும். கொடுக்கல்- வாங்கலில் மற்றவர்களுக்கு முன்ஜாமின், வாக்குறுதி கொடுப்பதை தவிர்க்கவும். உத்தியோகஸ்தர்களுக்கு எதிர்பார்க்கும் உயர்வுகளும், நல்ல வாய்ப்புகளும் கிடைக்கும் என்றாலும் சக ஊழியர்களிடம் கருத்து வேறுபாடுகள் ஏற்படலாம் என்பதால் விட்டு கொடுத்து செல்வது நல்லது.

சனி 7-ல் சஞ்சரிக்கும் இக்காலங்களில் குருபகவான் 20-11-2020 முதல் 20-11-2021 வரை 7-ஆம் வீட்டிலும், 13-04-2022 முதல் 22-04-2023 வரை 9-ஆம் வீட்டிலும் சஞ்சரிக்கவுள்ள காலங்கள் சகலவிதத்திலும் ஏற்றத்தை உண்டாக்கும் காலமாக உங்களுக்கு இருக்கும். குடும்பத்தில் மகிழ்ச்சி நிலவும். திருமண சுபகாரியங்கள் எளிதில் கைகூடி மகிழ்ச்சி அளிக்கும். மணமானவர்களுக்கு புத்திர பாக்கியம் அமையும். பொருளாதார நிலை சிறப்பாக அமைவதால் அசையும் அசையா சொத்துகள் வாங்கும் யோகம் உண்டாகும். உற்றார்- உறவினர்களிடம் சுமுகமான நிலை நிலவும். எடுக்கும் முயற்சிகளின் வெற்றி கிட்டும். கொடுக்கல்- வாங்கலில் நல்ல லாபம் கிடைக்கும். கொடுத்த வாக்குறுதிகளை காப்பாற்ற முடியும். தொழில், வியாபாரத்தில் வளர்ச்சி ஏற்படும். வெளியூர், வெளிநாடுகள் மூலம் அனுகூலம் உண்டாகும். சர்ப கிரகமான கேது உங்கள் ராசிக்கு 6-ல் வரும் 01-09-2020 வரையும், ராகு 11-ல் வரும் 23-09-2020 முதல் 12-04-2022 வரையும் சஞ்சரிக்க இருப்பதும் உங்களது பலத்தை அதிகரிக்கும் அமைப்பு என்பதால் இக்காலங்களில் எதிர்பாராத அனுகூலங்கள் உண்டாகும்.

உடல்ஆரோக்கியம் 

உடல் நிலையில் சோர்வு மந்தமான நிலை உண்டாகும். உணவு விஷயத்தில் கட்டுபாடுடன் செயல்படுவது நல்லது. மனைவி, மக்களுக்கும் உடல் நிலையில் சிறுசிறு பாதிப்புகள் ஏற்பட்டு மருத்துவ செலவுகளை உண்டாக்கும். தேவையற்ற பயணங்களால் அலைச்சல் டென்ஷன் உண்டாகும். குடும்பத்தில் உண்டாகும் பிரச்சினைகள் மன குழப்பத்தை ஏற்படுத்தும் என்றாலும் பெரிய கெடுதிகள் உண்டாகாது.

குடும்பம் பொருளாதாரநிலை

பொருளாதாரநிலை திருப்தியளிப்பதாக இருக்கும். அசையும் அசையா சொத்துக்களை வாங்கும் வாய்ப்பு அமையும். பொன், பொருள் சேரும். திருமண சுப காரியங்கள் சிறு தடைக்கு பின்பு கைகூடும். கணவன்- மனைவி இடையே சிறுசிறு கருத்து வேறுபாடுகள் தோன்றினாலும் ஒற்றுமை குறையாது. உற்றார்- உறவினர்களிடையே விட்டு கொடுத்து நடந்து கொள்வது நல்லது.

கொடுக்கல்- வாங்கல்

கமிஷன், ஏஜென்ஸி, காண்டிராக்ட் போன்றவற்றில் கவனத்துடன் செயல்பட்டால் எதிர்பார்க்கும் லாபம் கிடைக்கும். கொடுக்கல்- வாங்கலில் பெரிய தொகைகளை பிறருக்கு கடனாக கொடுக்கும் போது சிந்தித்து செயல்படுவது நல்லது. பண விஷயத்தில் பிறருக்கு வாக்குறுதி கொடுப்பது முன்ஜாமின் கொடுப்பதில் முன்னெச்சரிக்கையுடன் செயல்படுவது நல்லது.

தொழில், வியாபாரம்

தொழில், வியாபாரம் நல்ல முறையில் நடைபெறும். நவீன தொழில் நுட்பத்தை பயன்படுத்தி உயர்வினை சந்திப்பீர்கள். வேலையாட்களையும் கூட்டாளிகளையும் அனுசரித்து செல்ல வேண்டியிருக்கும். வெளிநாட்டுத் தொடர்புகளால் ஓரளவுக்கு முனனேற்றமானப் பலன்கள் உண்டாகும். பெரிய முதலீடுகளை ஈடுபடுத்தும் போது மிகவும் கவனம் தேவை.

உத்தியோகம்

உத்தியோகஸ்தர்கள் எதிர்பார்க்கும் உயர்வுகள் கிடைக்கப் பெற்றாலும் வேலைபளு அதிகரிப்பதால் அதிக நேரம் உழைக்க வேண்டியிருக்கும். திறமைகளுக்கேற்ற பாராட்டுதல்களும், அதிகாரிகளின் ஆதரவுகளும் மனமகிழ்ச்சியை உண்டாக்கும். சக நண்பர்களை அனுசரித்து செல்வது மூலம் எதை சமாளிக்க முடியும். வெளிநாடு சென்று பணிபுரிய விரும்புபவர்களுக்கு சிறு தடைகளுக்கு பின் அனுகூலம் உண்டாகும்.

அரசியல்   

சிறுசிறு சோதனைகளை சந்தித்தாலும் பதவிக்கு பங்கம் வராது. கொடுத்த வாக்குறுதிகளை காப்பாற்றுவதால் மக்களின் ஆதரவு சிறப்பாகவே அமையும். மேடை பேச்சுகளில் சற்று கவனமுடன் இருப்பது, உடனிருப்பவர்களை அனுசரித்து செல்வது உத்தமம். கட்சிப் பணிகளுக்காக அடிக்கடி பயணங்கள் மேற்கொள்ளக்கூடிய சூழ்நிலைகள் உருவாகி அலைச்சல் அதிகரிக்கும்.

விவசாயிகள்

பயிர் விளைச்சல் சுமாராக இருக்கும். பட்ட பாட்டிற்கான பலனைப் பெற சற்று எதிர்நீச்சல் போட வேண்டி வரும். பணவரவுகளும் சுமாராகத் தானிருக்கும். புதிய பூமி மனை போன்றவற்றால் ஒரளவுக்கு அனுகூலம் உண்டாகும். கால்நடைகளை வாங்குவீர்கள். உற்றார் உறவினர்களை சற்று அனுசரித்துச் செல்வது நல்லது.

கலைஞர்கள்

தொழில் ரீதியாக சில போட்டிகளை சந்தித்தாலும் உங்களுக்கு கிடைக்க வேண்டிய வாய்ப்புகள் தடைபடாது. எதிர்பார்க்கும் வாய்ப்புகளுக்காகக் காத்திருக்காமல் கிடைப்பதை பயன்படுத்திக் கொள்வது நல்லது. வெளிநாடு பயணங்களால் சற்றே அலைச்சல்கள் ஏற்பட்டாலும் பொருளாதார நிலையை உயர்த்திக் கொள்ள முடியும். மறைமுக எதிர்ப்புகளும் இருக்கும்.

பெண்கள்

கணவன்- மனைவியிடையே விட்டு கொடுத்து செல்வது நல்லது. மணமாகாத மங்கையருக்கு சில தடைகளுக்குப்பின் சுபகாரியம் நடந்தேறும். சிலருக்கு சிறப்பான புத்திர பாக்கியம் உண்டாகும். பொருளாதார நிலை திருப்தியளிக்கும். பொன், பொருள் ஆடை ஆபரணம் சேரும். நவீன பொருட் சேர்க்கைகள் உண்டாகும். நினைத்த காரியங்கள் நிறைவேறும். ஆடம்பர செலவுகளை குறைத்துக் கொள்வது உத்தமம்.

மாணவ- மாணவியர்

கல்வியில் முழு ஈடுபாடுட்டுடன் செயல்பட்டால் மட்டுமே எதிர்பார்த்த மதிப்பெண்களைப் பெறமுடியும். முடிந்தவரை தேவையற்ற நட்புகளை தவிர்ப்பது நல்லது. எடுக்கும் முயற்சிகளில் எதிர்நீச்சல் போட வேண்டியிருக்கும். அரசு வழியில் எதிர்பார்க்கும் மானிய உதவிகள் தாமதப்படும். பெற்றோர், ஆசிரியர்களின் ஆதரவு ஒரளவுக்கு சிறப்பாகவே இருக்கும்.

சனிபகவான் மகர ராசியில் உத்திராட நட்சத்திரத்தில் 24-01-2020 முதல் 10-05-2020 வரை

சனிபகவான் உங்கள் ராசிக்கு 7-ல் சூரியன் நட்சத்திரமான உத்திராடத்தில் சஞ்சரிப்பதால் நெருங்கியவர்களை அனுசரித்து செல்வது, கணவன்- மனைவி இடையே சற்று விட்டுக் கொடுத்து நடந்து கொள்வது நல்லது. உடல் நிலையில் சற்று கவனம் செலுத்த வேண்டும். குடும்பத்தில் உள்ளவர்களால் தேவையற்ற செலவுகளை எதிர்கொள்ள நேரிடும் என்றாலும் கேது 6-ல் சஞ்சரிப்பதால் சுபகாரியங்கள் கைகூடி மகிழ்ச்சி அளிக்கும். பொருளாதார நிலை சிறப்பாகவே இருக்கும். அசையும் அசையா சொத்துகள் வாங்கும் வாய்ப்பு அமையும். புத்திர வழியில் பூரிப்பு உண்டாகும். கொடுக்கல்- வாங்கலில் நிதானமாக செயல்பட்டால் நல்லது நடக்கும். தொழில், வியாபாரத்தில் சாதகமான பலன்கள் ஏற்படும். கூட்டாளிகளை அனுசரித்து செல்வது சிறப்பு. வெளியூர் வெளிநாடு செல்லும் வாய்ப்புகள் அமையும். உத்தியோகஸ்தர்களுக்கு உயர்வுகள் கிட்டும். துர்க்கை வழிபாடு, தட்சிணாமூர்த்தி வழிபாடு மேற்கொள்வது நல்லது.

சனிபகவான் மகர ராசியில் வக்ர கதியில் 11-05-2020 முதல் 28-09-2020 வரை

சனி பகவான் 7-ல் வக்ர கதியில் சஞ்சரிப்பதாலும், கேது 6-ல் சஞ்சரிப்பதாலும் எல்லா வகையிலும் அனுகூலம் உண்டாகும். எடுக்கும் முயற்சிகள் அனைத்திலும் வெற்றி கிடைக்கும். நினைத்த காரியங்கள் நிறைவேறும். பண வரவுகள் தாராளமாக அமைவதால் கொடுத்த வாக்குறுதிகளை காப்பாற்ற முடியும். முடிந்த வரை ஆடம்பர செலவுகளை குறைத்துக் கொள்வது நல்லது. உடல் ஆரோக்கியத்தில் கவனம் செலுத்தினால் வீண் செலவுகளை தவிர்க்கலாம். கொடுக்கல்- வாங்கல் லாபம் தரும். சுப காரியங்கள் கைகூடும். வெளிவட்டாரத் தொடர்புகளால் அனுகூலம் ஏற்படும். பெரிய மனிதர்களின் நட்பு கிட்டும். தொழில் வியாபாரத்தில் எதிர்பார்க்கும் லாபம் கிடைக்கும். உத்தியோகஸ்தர்களின் கனவுகள் நினைவாகும். குடும்பத்தில் தேவையற்ற வாக்குவாதங்கள் தோன்றும் என்பதால் பேச்சில் நிதானம் தேவை. பயணங்களால் சாதகமான பலன்கள் உண்டாகும். துர்க்கையம்மனை வழிபடுவது மிகவும் உத்தமம்.

சனிபகவான் மகர ராசியில் உத்திராட நட்சத்திரத்தில் 29-09-2020 முதல் 22-01-2021 வரை

சனிபகவான் உங்கள் ராசிக்கு 7-ல் சூரியன் நட்சத்திரத்தில் சஞ்சரிப்பதால் நெருங்கியவர்களை அனுசரித்து நடந்து கொண்டால் எதையும் சாமாளித்து ஏற்றங்களை அடைய முடியும். ராகு 11-ல் சஞ்சரிப்பதும் வரும் 20-11-2020 முதல் குரு 11-ல் சஞ்சரிக்க இருப்பதும் சிறப்பான அமைப்பு என்பதால் எல்லா வகையிலும் ஏற்றமானப் பலன்கள் கிடைக்கும். தொழில் வியாபாரத்தில் இருந்த போட்டிகள் விலகும். எதிரிகளின் பலம் குறைந்து உங்கள் பலம் கூடும். பண வரவுகள் தாராளமாக இருக்கும். குடும்பத்தில் மகிழ்ச்சி நிலவும். கடன்கள் படிப்படியாக குறையும். சுபகாரியங்கள் தடபுடலாக கைகூடி மகிழ்ச்சி அளிக்கும். வெளியூர் செல்ல கூடிய வாய்ப்புகள் உண்டாகும். உத்தியோகத்தில் உயர்வுகள் கிடைக்கும். கேது 5-ல் சஞ்சரிப்பதால் உணவு விஷயத்தில் கட்டுபாடுடன் இருந்தால் உடல் ஆரோக்கியம் சிறப்பாக இருக்கும். புத்திரர்கள் வழியில் சுப செலவுகள் ஏற்படும். ஆஞ்சநேயர் வழிபாடு செய்வதும் விநாயகர் வழிபாடு செய்வதும் மிகவும் உத்தமம்.

சனிபகவான் மகர ராசியில் திருவோண நட்சத்திரத்தில் 23-01-2021 முதல் 23-05-2021 வரை

சனிபகவான் ராசியாதிபதி சந்திரன் நட்சத்திரத்தில் 7-ல் சஞ்சரிப்பதால் ஒரளவுக்கு சாதகமான பலன்கள் உண்டாகும். கணவன்- மனைவி இடையே வாக்கு வாதங்கள் ஏற்பட்டாலும் ஒற்றுமை குறையாது. இக்காலத்தில் தனகாரகன் குரு 7-லும், ராகு 11-லும் சஞ்சரிப்பது மிகவும் சாதகமான பலனை உண்டாக்கும் அமைப்பாகும். எடுக்கும் முயற்சிகளில் வெற்றிகள், பொருளாதார ரீதியாக மேன்மைகள் உண்டாகும். மங்களகரமான சுபகாரியங்கள் கைகூடும். கொடுக்கல்- வாங்கல் சரளமாக நடைபெறும். தொழில், வியாபாரத்தில் கடந்த காலங்களில் இருந்த சோதனைகள் அனைத்தும் விலகி அபிவிருத்தியும் லாபமும் பெருகும். உத்தியோகத்தில் உடன்பணிபுரிபவர்களின் ஒத்துழைப்புகளால் வேலைப்பளு குறையும். எதிர்பார்க்கும் ஊதிய உயர்வுகளும் தடையின்றிக் கிட்டும். ஜென்ம ராசிக்கு 5-ல் கேது சஞ்சரிப்பதால் ஆரோக்கியத்தில் சற்று கவனம் செலுத்துவது நல்லது. பெருமாள் வழிபாடு செய்வதும் விநாயகர் வழிபாடு செய்வதும் மிகவும் உத்தமம்.

சனிபகவான் மகர ராசியில் வக்ர கதியில் 24-05-2021 முதல் 10-10-2021 வரை

உங்கள் ராசிக்கு 7-ல் சஞ்சரிக்கும் சனிபகவான் வக்ர கதியில் சஞ்சரிப்பதாலும் சர்ப்பகிரகமான ராகு 11-ல் சஞ்சரிப்பதாலும் பணம் தாராளமாக வருவதால் கொடுக்கல்- வாங்கல் லாபமளிக்கும். கொடுத்த கடன்களும் தடையின்றிக் கிடைக்கும். செய்யும் தொழில் வியாபாரத்தில் மேன்மைகளும் கூட்டாளிகளால் லாபங்களும் உண்டாகும். புதிய நவீன கருவிகளை வாங்கிப் போடுவீர்கள். வெளியூர் வெளிநாட்டுத் தொடர்புடையவற்றால் அனுகூலங்கள் ஏற்படும். தெய்வ தரிசனங்களுக்காக பயணங்கள் மேற்கொள்வீர்கள். உடல் ஆரோக்கியத்தில் சிறுசிறு பாதிப்புகள் ஏற்பட்டாலும் பெரிய கெடுதிகள் இல்லை. கணவன்- மனைவியிடையே ஒற்றுமை பலப்படும். குடும்பத்தில் திருமணம் போன்ற சுபகாரியங்கள் எளிதில் கைகூடும். உத்தியோகஸ்தர்கள் பணியில் எதிர்பார்த்த உயர்வுகளைப் பெற்று முன்னேற முடியும். உயரதிகாரிகளின் பாராட்டுதல்கள் மகிழ்ச்சியளிக்கும். கடன்களும் குறையும். விநாயகரை வழிபடுவது நல்லது.

சனிபகவான் மகர ராசியில் திருவோண நட்சத்திரத்தில் 11-10-2021 முதல் 17-02-2022 வரை

சனிபகவான் ராசியாதிபதி சந்திரன் நட்சத்திரமான திருவோணத்தில் சஞ்சரிப்பதாலும் ராகு 11-ல் சஞ்சரிப்பதாலும் எதிர்பாராத தனவரவுகள் ஏற்பட்டு குடும்பத் தேவைகள் பூர்த்தியாகும். வரும் 20-11-2021 முதல் குரு 8-ல் சஞ்சரிக்க இருப்பதால் பணம் கொடுக்கல்- வாங்கலில் கவனம் தேவை. ஆடம்பர செலவுகளை குறைத்துக் கொள்வது நல்லது. எடுக்கும் எந்தவொரு காரியத்திலும் எதிர்நீச்சல் போட்டே முன்னேற வேண்டியிருக்கும். உடல் ஆரோக்கியத்தில் பாதிப்புகள் ஏற்படலாம் என்பதால் உணவு விஷயத்தில் கவனமாக இருப்பது நல்லது.  குடும்பத்திலுள்ளவர்கள் சற்று சாதகமாக இருப்பதால் எதையும் சமாளிக்க முடியும். பேச்சில் சற்று நிதானத்தைக் கடைப்பிடித்து உறவினர்களை அனுசரித்து நடந்து கொண்டால் நல்ல அனுகூலங்களை பெற முடியும். தொழில் வியாபாரம் ஒரளவுக்கு முன்னேற்றமளிப்பதாக இருந்தாலும் பெரிய முதலீடுகளை ஈடுபடுத்தும் விஷயத்தில் கவனம் தேவை. தட்சிணாமூர்த்தியை வழிபடுவதும் விநாயகரை வழிபடுவதும் நல்லது.

சனிபகவான் மகர ராசியில் அவிட்ட நட்சத்திரத்தில் 18-02-2022 முதல் 28-04-2022 வரை

சனிபகவான் 7-ல் செவ்வாய் நட்சத்திரத்தில் சஞ்சரிப்பதாலும் குரு 8-ல் சஞ்சரிப்பதாலும் எதிலும் நிதானமாக செயல்படுவது நல்லது. உடல் ஆரோக்கியத்தில் சற்று அக்கறை எடுத்துக் கொள்வது சிறப்பு. குடும்பத்தில் விட்டுக் கொடுத்து நடப்பது, பேச்சில் நிதானத்தைக் கடைப்பிடிப்பது உத்தமம். எந்தவொரு காரியத்திலும் ஈடுபடுவதற்கு முன் சற்று சிந்தித்துச் செயல்படுவது நல்லது. வாழ்க்கை வண்டிச்சக்கரம் போல நன்மை தீமைகள் கலந்ததாகவே இருக்கும். சர்ப்பகிரகமான ராகு 11-ல் சஞ்சரிப்பதால் எதிர்பாராத உதவிகள் கிடைத்து எந்த வித நெருக்கடிகளையும் சமாளிக்கும் ஆற்றல் உண்டாகும். பிறருக்கு வாக்குறுதி கொடுப்பது முன்ஜாமின் கொடுப்பது போன்றவற்றை தவிர்க்கவும். தொழில் வியாபாரம் செய்பவர்களுக்கு சற்றே மந்த நிலை நிலவினாலும் பொருட் தேக்கம் ஏற்படாது. உத்தியோகஸ்தர்களுக்கு வேலைப்பளு அதிகரித்தாலும் உடன்பணிபுரிபவர்கள் உதவிகரமாக இருப்பார்கள். தட்சிணாமூர்த்தியை வழிபடுவதும், நவகிரகங்களில் உள்ள கேதுபகவானை வழிபடுவதும் நல்லது.

சனிபகவான்அதிசாரமாக கும்ப ராசியில் அவிட்ட நட்சத்திரத்தில் 29-04-2022 முதல் 04-06-2022 வரை

சனிபகவான் அதிசாரமாக உங்கள் ராசிக்கு அஷ்டம ஸ்தானமான 8-ல் சஞ்சரிப்பதால் உடல் ஆரோக்கியத்தில் கவனத்துடன் இருப்பது உணவு விஷயத்தில் கட்டுப்பாடுடன் இருப்பது நல்லது. கணவன்- மனைவி இடையே ஒற்றுமை சிறப்பாக இருக்கும் என்றாலும் உறவினர்களை அனுசரித்து செல்வது நல்லது. தன காரகன் குரு பாக்கிய ஸ்தானமான 9-ல் ஆட்சி பெற்று சஞ்சரிக்க இருப்பதால் பொருளாதார நிலை சிறப்பாக இருந்து உங்களது அனைத்து தேவைகளும் பூர்த்தியாகும். தடைப்பட்ட சுப காரியங்கள் அனைத்தும் கை கூடி மகிழ்ச்சி அளிக்கும். பூர்வீக சொத்துக்களால் இருந்த பிரச்சினைகள் முடிவுக்கு வரும். தொழில் வியாபாரம் செய்பவர்கள் எதிர்பார்க்கும் லாபங்களை தடையின்றிப் பெற முடியும். உத்தியோகஸ்தர்களுக்கும் பதவி உயர்வுகளும் கிட்டும். உங்களது கனவுகள் அனைத்தும் நிறைவேறி மகிழ்ச்சி அளிக்கும். வெளியூர், வெளிநாடுகளுக்கு செல்வதற்கான வாய்ப்புகள் கிட்டும். கடன்கள் யாவும் குறையும். விநாயகரை வழிபாடு செய்வது உத்தமம்.

சனிபகவான் வக்ர கதியில் 05-06-2022 முதல் 21-10-2022 வரை

சனிபகவான் வக்ர கதியில் சஞ்சரிப்பதாலும் குரு பகவான் பாக்கிய ஸ்தானத்தில் ஆட்சி பெற்று சஞ்சரிப்பதாலும்  உடல் நிலையில் இருந்த பிரச்சினைகள் படிப்படியாக விலகும். எதிலும் சுறுசுறுப்பாக செயல்படுவீர்கள். கணவன்- மனைவியிடையே அன்யோன்யம் அதிகரித்து குடும்பத்தில் மகிழ்ச்சியும் சுபிட்சமும் நிலவும். திருமண சுப காரியங்களுக்கான முயற்சிகளில் வெற்றி கிட்டும். பொருளாதாரம் உயர்வடையும். பொன் பொருள் சேரும். கொடுக்கல்- வாங்கல் நல்ல நிலையில் நடைபெற்று லாபம் பெருகும். விரோதிகளும் நண்பர்களாகச் செயல்படுவதால் மனமகிழ்ச்சி உண்டாகும். தொழில் வியாபார ரீதியாக நல்ல முன்னேற்றங்கள் ஏற்படும். புதிய ஒப்பந்தங்களில் கையெழுத்திடும் வாய்ப்பு உண்டாகும். தொழில் ரீதியாக மேற்கொள்ளும் பயணங்களால் அனுகூலம் கிட்டும். கடன்கள் குறையும். பணியில் தடைப்பட்டுக் கொண்டிருந்த ஊதிய உயர்வு பதவி உயர்வுகள் போன்ற யாவும் கிடைக்கும். ஆஞ்சநேயர் மற்றும் பெருமாள் வழிபாடு செய்வது நல்லது.

சனிபகவான் மகர ராசியில் அவிட்ட நட்சத்திரத்தில் 22-10-2022 முதல் 17-01-2023 வரை

சனிபகவான் உங்கள் ராசிக்கு 7-ல் அவிட்ட நட்சத்திரத்தில் சஞ்சரிப்பதால் நெருங்கியர்களை அனுசரித்து செல்வது நல்லது. உங்கள் ராசிக்கு 4-ல் கேது, 10-ல் ராகு சஞ்சரிப்பதால் இருப்பதை அனுபவிக்க இடையூறு உண்டாகும். குரு 9-ல் சஞ்சரிப்பதால் கடந்த கால பிரச்சினைகள் அனைத்தும் விலகி எல்லா வகையிலும் மேன்மையான பலன்களை அடைவீர்கள். மங்களகரமான நிகழ்ச்சிகள் நிறைவேறி குடும்பத்தில் மனநிறைவை உண்டாக்கும். கணவன்- மனைவி இடையே ஒற்றுமை நிலவும். வீடுமனை, வண்டி வாகனம் வாங்கும் யோகம் அமையும். பொன்பொருள் சேரும். கொடுக்கல்- வாங்கல் சரளமாக அமையும். எதி£பாராத திடீர் தனவரவுகள் ஏற்பட்டு செல்வம், செல்வாக்கும் உயரும். தொழில் வியாபாரத்தில் முன்னேற்றமான நிலை ஏற்படும். போட்டிகளும் மறைமுக எதிர்ப்புகளும் குறையும். கூட்டாளிகளை அனுசரித்து செல்வது நல்லது. உத்தியோகத்தில் நல்ல வாய்ப்புகள் கிடைக்கும். துர்க்கையம்மனையும் ஆஞ்சநேயரையும் வழிபடுவது உத்தமம்.

அதிர்ஷ்டம் அளிப்பவை

எண் – 1,2,3,9                   நிறம் – வெள்ளை, சிவப்பு                கிழமை – திங்கள், வியாழன்

கல் –  முத்து                       திசை – வடகிழக்கு                தெய்வம் – வெங்கடாசலபதி

 

மிதுனம் ராசி – சனி பெயர்ச்சி பலன்கள் 2020  -2023

மிதுனம் ராசி – திருக்கணித  சனி பெயர்ச்சி பலன்கள் 2020  -2023

24-01-2020 முதல் 17-01-2023 வரை

பலன்கள், பரிகாரங்கள், அதிர்ஷ்ட குறிப்புகள் அடங்கியது

கணித்தவர்

ஜோதிட மாமணி,

முனைவர் முருகு பால முருகன்

Dip in astro, B.L, M.A.astro. PhD in Astrology.

No: 19/33 வடபழனி ஆண்டவர் கோயில் தெரு,

தபால் பெட்டி எண் – 2255.  வடபழனி,

சென்னை – 600 026 தமிழ்நாடு, இந்தியா.

cell: 0091  7200163001. 9383763001,

மிதுனம் மிருகசீரிஷம் 3,4-ஆம் பாதங்கள், திருவாதிரை, புனர்பூசம் 1,2,3-ஆம் பாதங்கள்

கடினமான காரியங்களையும் எளிதில் செய்து முடிக்க கூடிய ஆற்றல் கொண்ட மிதுன ராசி நேயர்களே, உங்கள் ராசியாதிபதி புதனுக்கு நட்பு கிரகமும் உங்கள் ராசிக்கு 8, 9-க்கும் அதிபதியான சனி பகவான் திருக்கணிதப்படி வரும் 24-01-2020 முதல் 17-01-2023 வரை ஜென்ம ராசிக்கு 8-ல் சஞ்சரிக்க உள்ளதால் அஷ்டமச் சனி தொடங்கிறது. இதனால் தேக ஆரோக்கிய ரீதியாக பாதிப்புகள், உடல் நிலையில் சோர்வு, மந்த நிலை ஏற்படும். குடும்பத்தில் உள்ளவர்களால் மருத்துவ செலவுகள் ஏற்படும். கணவன்- மனைவி விட்டு கொடுத்து செல்வது உத்தமம். உற்றார் உறவினர்களிடம் தேவையற்ற கருத்து வேறுபாடுகள் ஏற்படலாம் என்பதால் முடிந்த வரை பேச்சை குறைத்துக் கொள்வது நல்லது. எடுக்கும் முயற்சிகளில் தடை தாமதங்களை சந்திக்க நேரிடும். எந்த ஒரு காரியத்தையும் எதிர் நீச்சல் போட்டே முடிக்க வேண்டியிருக்கும். பண விஷயங்களில் நம்பியவர்களே துரோகம் செய்வார்கள். கொடுத்த பணத்தை திரும்ப பெற முடியாமல் போகும். பொருளாதார நிலையில் நெருக்கடிகள் ஏற்படுவதால் கடன் வாங்க வேண்டிய சூழ்நிலை ஏற்படும். எதிர்பார்க்கும் உதவிகளும் தாமதப்படும். தொழில், வியாபார ரீதியாக நெருக்கடிகள் ஏற்பட்டு அலைச்சல் டென்ஷன் அதிகரிக்கும். பெரிய முதலீடுகள் கொண்ட செயல்களை செய்யும் போது குடும்ப உறுப்பினர்கள் பெயரில் செய்வது நல்லது. உத்தியோகஸ்தர்கள் பிறர் விஷயங்களில் தலையீடு செய்யாமல் தங்கள் பணிகளில் மட்டும் கவனம் செலுத்துவது உத்தமம். அஷ்டமச்சனி நடைபெற்றாலும் சனி உங்கள் ராசியாதிபதி புதனுக்கு நட்பு கிரகம் என்பதால் பெரிய கெடுதலை செய்ய மாட்டார்.

சனி அஷ்டம ஸ்தானத்தில் சஞ்சரிக்க உள்ள இக்காலத்தில் ஆண்டு கோளான குரு உங்கள் ராசிக்கு சமசப்தம ஸ்தானமான 7-ல் வரும் 20-11-2020 வரையும், 9-ஆம் வீட்டில் 20-11-2021 முதல் 13-04-2022 வரையும் சஞ்சாரம் செய்கின்ற காலத்தில் எதிர்பாராத தனசேர்க்கைகள் ஏற்பட்டு குடும்பத்தேவைகள் ஓரளவுக்கு பூர்த்தியாகும். நெருங்கியவர்கள் ஆதரவாக செயல்படுவார்கள். திருமண சுப காரியங்களுக்கான முயற்சிகளில் சாதகமான பலன்களைப் பெறுவீர்கள். கொடுக்கல்- வாங்கலில் ஓரளவுக்கு லாபம் அமையும். பெரிய முதலீடுகளை ஈடுபடுத்தி செய்ய நினைக்கும் காரியங்களில் சற்று கவனமுடன் செயல்பட்டால் அனுகூலமானப் பலனை அடையலாம்.

வரும் 23-09-2020 வரை ஜென்ம ராசியில் ராகு, 7-ல் கேது சஞ்சரிப்பதால் கணவன்- மனைவி இடையே விட்டு கொடுத்து செல்வது நல்லது. சர்ப கிரகமான கேது உங்கள் ராசிக்கு 6-ல் 23-09-2020 முதல் 12-04-2022 முடியவும், 12-04-2022 முதல் 30-10-2023 முடிய ராகு 11-ல் சஞ்சரிக்க இருப்பதும் சாதகமான அமைப்பு என்பதால் எதிர்பாராத உதவிகள் கிடைத்து எந்த வித நெருக்கடிகளையும் சமாளிக்கும் ஆற்றல் உண்டாகும்.

உடல் ஆரோக்கியம் 

உடல் நிலையில் சற்று கவனம் செலுத்த வேண்டிய காலமாகும். அவ்வப்போது பாதிப்புகள் ஏற்பட்டு மருத்துவ செலவுகளை உண்டாக்கும். மனைவி, பிள்ளைகளால் மருத்துவ செலவுகள் ஏற்படும். குடும்பத்தில் உண்டாக கூடிய பிரச்சினைகளால் மன நிம்மதியற்ற நிலை ஏற்படும். எடுக்கும் முயற்சிகளில் தடை தாமதங்கள் உண்டாகும். தேவையற்ற பயணங்களால் உடல்நிலை சோர்வடையும்.

குடும்பம், பொருளாதார நிலை

கணவன்- மனைவியிடையே ஒற்றமை குறையும். பொருளாதார நிலையில் நெருக்கடிகள் ஏற்பட்டு குடும்பத்தின் தேவைகளை பூர்த்தி செய்யவே கஷ்டப்பட வேண்டியிருக்கும். கடன்கள் அதிகரிக்கும் என்பதால் ஆடம்பர செலவுகளை குறைத்துக் கொள்வது நல்லது. உற்றார்- உறவினர்களிடையே உண்டாக கூடிய கருத்து வேறுபாடுகளால் மங்களகரமான சுபகாரியங்கள் தாமதம் ஆகும். புத்திரர்கள் உங்கள் பேச்சை மதிக்காமல் நடப்பதால் வீண் மன சஞ்சலங்கள் உண்டாகும்.

கொடுக்கல்- வாங்கல்

கமிஷன், ஏஜென்ஸி, காண்டிராக்ட் துறையில் உள்ளவர்கள் எதிலும் சற்று கவனமுடன் செயல்படுவது நல்லது. கொடுக்கல்– வாங்கல் சுமாரான லாபத்தை தரும். பிறருக்கு வாக்குறுதி கொடுப்பது, முன் ஜாமீன் கொடுப்பது போன்றவற்றை தவிர்ப்பது உத்தமம். உங்களுக்குள்ள வம்பு வழக்குகளில் இழபறி நிலை இருக்கும். உடன் பழகுபவர்களிடம் சற்று கவனமுடன் இருப்பது நல்லது.

தொழில், வியாபாரம்

தொழில் வியாபாரத்தில் மந்தமான நிலை நிலவும். எதிர்பார்க்கும் உதவிகளும் தாமதப்படும். நிறைய போட்டி பொறாமைகள் நிலவுவதால் லாபம் குறைந்து அபிவிருத்தி தடைப்படும். கூட்டாளிகளை மிகவும் அனுசரித்து செல்ல வேண்டியிருக்கும். புதிய முயற்சிகளில் எதிர்நீச்சல் போட்டே லாபத்தினைப் பெற முடியும். பெரிய முதலீடுகளை ஈடுபடுத்துவதில் கவனமுடன் நடந்து கொண்டால் ஓரளவுக்கு நற்பலனை அடைய முடியும்.

உத்தியோகம்

உத்தியோகஸ்தர்கள் எதிர்பார்க்கும் உயர்வுகள் தாமதப்படும். பணியில் கவனக்குறைவுடன் செயல்பட்டு அதிகாரிகளின் அதிருப்திக்கு ஆளாக நேரிடும். எதிர்பாராத இட மாற்றங்களால் வீண் அலைச்சல் அதிகரிக்கும். பிறர் செய்யும் தவறுகளுக்கும் நீங்கள் பொறுப்பேற்க கூடும் என்பதால் எதிலும் கவனம் தேவை. உடனிருப்பவர்களின் ஒத்துழைப்புகள் கிடைக்காததால் வேலைபளு அதிகரிக்கும்.

அரசியல்

எதிர்பார்க்கும் பெரிய பதவிகள் கிடைக்காவிட்டாலும் பெயர், புகழுக்கு பங்கம் ஏற்படாது. பண வருவாய் சுமாராக இருக்கும். உடனிருப்பவர்களே துரோகம் செய்ய எண்ணுவார்கள். மக்களுக்கு கொடுத்த வாக்குறுதிகளை காப்பாற்ற முடியாமல் அவர்களின் அதிருப்திக்கு ஆளாக நேரிடும். மேடை பேச்சுகளில் கவனமுடன் இருப்பது நல்லது.

விவசாயிகள்

பயிர் விளைச்சல் சுமாராக இருப்பதால் பொருளாதார நிலையும் சுமாராகத்தான் இருக்கும். பூமி, மனை போன்றவற்றால் சிறுசிறு வீண் செலவுகள் உண்டாகும். அரசு வழியில் எதிர்பார்க்கும் உதவிகள் சற்று தாமதப்படும். பங்காளிகளால் பிரச்சினைகள் ஏற்பட்டு மன அமைதி குறையும். உடனிருப்பவர்களிடம் பேச்சில் நிதானம் தேவை.

கலைஞர்கள்

தொழிலில் நிறைய போட்டிகள் உண்டாவதால் வர வேண்டிய வாய்ப்புகள் குறையும். பண விஷயத்தில் மறைமுக எதிர்ப்புகளை சமாளிக்க வேண்டி இருக்கும். ஆடம்பர செலவுகளால் கடன்கள் உண்டாகும். புதிய ஒப்பந்தங்களில் கையெழுத்திடும் போது கவனம் தேவை. கையிலிருக்கும் வாய்ப்புகளை நழுவ விடாமல் பயன்படுத்திக் கொள்வது உத்தமம். பயணங்களால் அலைச்சல் அதிகரிக்கும்.

பெண்கள்

உடல் நிலையில் அக்கறை செலுத்த வேண்டியிருக்கும். கணவன்— மனைவியிடையே ஒற்றுமை குறையக்கூடிய சூழ்நிலைகள் உண்டாகும். பொருளாதார நிலையில் பற்றாகுறைகள் ஏற்படும். உற்றார் உறவினர்கள் உங்களுக்கு வீண் செலவுகளையும், பிரச்சினைகளையும் உண்டாக்குவார்கள். எதிர்பார்க்கும் உதவிகளும் தாமதப்படுவதால் கடன்கள் வாங்க வேண்டி இருக்கும். முடிந்தவரை அனைவரையும் அனுசரித்து செல்வது உத்தமம்.

மாணவ- மாணவியர்

கல்வியில் மந்தநிலை உண்டாகும். உடல்நிலையில் சோர்வு ஏற்பட்டு அடிக்கடி விடுப்பு எடுக்க வேண்டி இருக்கும். தேவையற்ற பொழுது போக்குகளையும் பழக்கவழக்கங்களையும் தவிர்ப்பது நல்லது. பெற்றோர் ஆசிரியர்களின் ஆதரவைப் பெற கல்வியில் கவனம் செலுத்துவது நல்லது. கல்விக்காக பயணங்கள் மேற்கொள்ளக்கூடிய சூழ்நிலைகள் உண்டாகும்.

சனிபகவான் மகர ராசியில் உத்திராட நட்சத்திரத்தில் 24-01-2020 முதல் 10-05-2020 வரை

சனிபகவான் உங்கள் ராசிக்கு 8-ல் சூரியன் நட்சத்திரமான உத்திராடத்தில் சஞ்சரிப்பது சாதகமற்ற பலனை ஏற்படுத்தும் என்பதால் உடல் நிலையில் சற்று அதிக அக்கறை எடுத்துக் கொள்வது, வண்டி வாகனங்களில் பயணம் செய்யும் போது சற்று கவனமுடன் இருப்பது நல்லது. தன காரகன் குரு ஜென்ம ராசிக்கு சமசப்தம ஸ்தானமான 7-ல் சஞ்சரிப்பதால் பொருளாதார நிலை சிறப்பாக இருந்து அனைத்து தேவைகளும் பூர்த்தியாகும். மங்களகரமான சுபகாரியங்கள் கைகூடி குடும்பத்தில் மகிழ்ச்சி நிலவும். வீடு மனை, வண்டி வாகனம் வாங்கும் யோகம் அமையும். பழைய கடன்கள் படிப்படியாக குறையும். தொழில், வியாபாரத்தில் சிறு சிறு நெருக்கடிகள் இருந்தாலும் அடைய வேண்டிய லாபத்தை அடைந்து விடுவீர்கள். உத்தியோகத்தில் இருப்பவர்களுக்கு நல்ல வாய்ப்புகள் தேடி வரும். ஜென்ம ராசியில் ராகு, 7-ல் கேது சஞ்சரிப்பதால் கணவன்- மனைவியிடையே விட்டு கொடுத்து செல்வது நல்லது. ஆன்மீக தெய்வீக காரியங்களில் ஈடுபடக்கூடிய வாய்ப்புகளும் ஏற்படும். விநாயகர் வழிபாடு மேற்கொள்வது நல்லது.

சனிபகவான் மகர ராசியில் வக்ர கதியில் 11-05-2020 முதல் 28-09-2020 வரை

அஷ்டம ஸ்தானத்தில் சஞ்சரிக்கும் சனிபகவான் வக்ர கதியில் சஞ்சரிப்பதால் பணவரவுகள் சிறப்பான நிலையில் இருக்கும். குடும்பத்தில் சுப காரியங்கள் கைகூடி மகிழ்ச்சி அளிக்கும். ஆண்டு கோளான குரு பகவான் அதிசாரமாக 8-லும் வக்ர நிலையிலும் சஞ்சரிப்பதால் ஆடம்பர செலவுகளை சற்று குறைத்துக் கொள்வது நல்லது. தொழில், வியாபாரத்தில் எதிர்பார்த்த லாபம் கிடைக்கும். கொடுக்கல்- வாங்கலில் பெரிய முதலீடுகளை ஈடுபடுத்துவதை தவிர்ப்பது நல்லது. உத்தியோகத்தில் வேலைபளு இருந்தாலும் மேலதிகாரிகளின் ஆதரவு சிறப்பாக இருக்கும். உடல் நிலையில் சற்று கவனம் செலுத்துவது, உணவு விஷயத்தில் கட்டுபாடுடன் இருப்பது சிறப்பு. சர்ப்பகிரகங்கள் சாதகமின்றி சஞ்சரிப்பதால் கணவன்- மனைவியிடையே ஒற்றுமை அதிகரிக்க விட்டு கொடுத்துச் செல்வது நல்லது. வெளியூர், வெளிநாட்டு பயணங்களால் அலைச்சல் ஏற்பட்டாலும் அதன் மூலம் சாதகமான பலன் உண்டாகும். தட்சிணாமூர்த்தியையும் விநாயகரையும் வழிபடவும்.

சனிபகவான் மகர ராசியில் உத்திராட நட்சத்திரத்தில் 29-09-2020 முதல் 22-01-2021 வரை

சனிபகவான் அஷ்டம ஸ்தானத்தில் சூரியன் நட்சத்திரத்தில் சஞ்சரிப்பதால் எதிலும் நிதானமாக செயல்படுவது நல்லது. ஆரோக்கியத்தில் அக்கறை எடுத்து கொள்வது, வாகனங்களில் செல்லும் போது நிதானமாக செல்வது சிறப்பு. குரு பகவான் 20-11-2020 முடிய 7-ல் சஞ்சரிப்பதால் பணவரவுகள் நன்றாக இருக்கும். சர்ப்பகிரகமான கேது 6-ல் சஞ்சரிப்பதால் எதிர்பாராத உதவிகள் கிடைத்து எந்தவித நெருக்கடிகளையும் சமாளிக்க முடியும். பண விஷயத்தில் பிறருக்கு முன் ஜாமீன் கொடுப்பது, வாக்குறுதி கொடுப்பது போன்றவற்றை தவிர்க்கவும். பெரிய முதலீடுகளில் செய்ய நினைக்கும் காரியங்களில் கவனம் தேவை. தொழில், வியாபாரம் சற்று மந்த நிலையில் நடைபெற்றாலும் தேக்கம் ஏற்படாது. உத்தியோகஸ்தர்களுக்கு சற்று வேலைபளு அதிகரித்தாலும் எதிர்பார்க்கும் உயர்வுகள் கிடைக்கும். தேவையற்ற பயணங்களை தவிர்ப்பதால் அலைச்சல்களை குறைத்துக் கொள்ள முடியும். சனி ப்ரீதியாக ஆஞ்சநேயர் வழிபாடு, விநாயகர் வழிபாடு செய்வது நல்லது.

சனிபகவான் மகர ராசியில் திருவோண நட்சத்திரத்தில் 23-01-2021 முதல் 23-05-2021 வரை

சனிபகவான் அஷ்டம ஸ்தானமான 8-ல் திருவோன நட்சத்திரத்தில் குரு சேர்க்கை பெற்று சஞ்சரிக்க இருப்பதால் எந்தவொரு காரியத்திலும் ஒருமுறைக்கு பலமுறை சிந்தித்து செயல்படுவது உத்தமம். எடுக்கும் முயற்சிகளில் எதிர்நீச்சல் போட வேண்டி வரும். பொருளாதார நிலையில் நெருக்கடிகள் ஏற்படும் என்றாலும் 6-ல் கேது சஞ்சரிப்பதால் எதிர்பாராத உதவிகள் தக்க சமயத்தில் கிடைக்கும். அசையும் அசையா சொத்துகளால் வீண் செலவுகள் உண்டாகும். உடல்நிலையில் உண்டாக கூடிய பாதிப்புகள் குறைய உணவு விஷயத்தில் கவனம் எடுத்து கொள்வது நல்லது. குடும்பத்தில் கணவன்- மனைவி இடையே ஒற்றுமை சிறப்பாக இருக்கும். பணம் கொடுக்கல்- வாங்கல் போன்றவற்றில் பிறரை நம்பி ஈடுபடாமல் இருப்பது நல்லது. தொழில் வியாபாரத்தில் மறைமுக எதிர்ப்புகளால் மன நிம்மதி குறையும். உத்தியோகத்தில் சக நண்பர்களை அனுசரித்து சென்றால் எற்படும் நெருக்கடிகளை சமாளிக்க முடியும். சனி பகவான் வழிபாடு செய்வது, தட்சிணாமூர்த்தியை வழிபாடு செய்வது உத்தமம்

சனிபகவான் மகர ராசியில் வக்ர கதியில் 24-05-2021 முதல் 10-10-2021 வரை

உங்களுக்கு அஷ்டமச்சனி நடைபெற்றாலும் சனிபகவான் வக்ர கதியில் சஞ்சரிப்பதால் கடந்த காலங்களில் இருந்த பிரச்சினைகள் அனைத்தும் படிப்படியாக விலகி ஒரளவுக்கு அனுகூலப்பலன்களை உண்டாக்கும். சர்ப்ப கிரகமான கேது 6-ல் சஞ்சரிப்பதால் எடுக்கும் முயற்சிகளில் வெற்றி, பொருளாதார மேன்மை உண்டாகும். கணவன்- மனைவி இடையே ஒற்றுமை நிலவும். உங்களுக்குள்ள வம்பு வழக்குகளில் சற்றே சாதக நிலை ஏற்படும். பல்வேறு பொதுநல காரியங்களில் ஈடுபடும் வாய்ப்பும் உண்டாகும். தொழில் வியாபாரம் செய்பவர்கள் கூட்டாளிகளை அனுசரித்துச் செல்வதும், வேலையாட்களிடம் விட்டுக் கொடுத்து நடப்பதும் நல்லது. குரு வக்ர கதியில் சஞ்சரிப்பதால் புத்திர வழியில் சிறுசிறு மன கவலைகள் செலவுகள் ஏற்படும் என்றாலும் பெரிய கெடுதிகள் இல்லை. தேவையற்ற செலவுகளை குறைத்துக் சிக்கனமாக செயல்பட்டால் சேமிக்க முடியும். உத்தியோகஸ்தர்கள் தாங்கள் எதிர்பார்க்கும் உயர்வுகளைப் பெறுவார்கள். சனி ப்ரீதியாக ஆஞ்சநேயரை வழிபடுவது சிறப்பு.

சனிபகவான் மகர ராசியில் திருவோண நட்சத்திரத்தில் 11-10-2021 முதல் 17-02-2022 வரை

சனிபகவான் திருவோண நட்சத்திரத்தில் 8-ல் சஞ்சரிப்பதால் ஆரோக்கியத்தில் கவனமாக இருப்பதும், உணவு விஷயத்தில் கட்டுபாடுடன் இருப்பதும் நல்லது. அஷ்டமச்சனியால் சிறுசிறு நெருக்கடிகளை எதிர்கொள்ள நேரிட்டாலும் சர்ப்ப கிரகமான கேது 6-ல் சஞ்சரிப்பதும், 20-11-2021 முதல் குரு 9-ல் சஞ்சரிக்க இருப்பதும் சாதகமான அமைப்பு என்பதால் மங்களகரமான சுப காரியங்கள் கைகூடும். பொருளாதார நிலை மிக சிறப்பாக அமையும். கொடுத்த வாக்குறுதிகளை காப்பாற்ற முடியும். எதிர்பாராத தன வரவுகள் கிடைத்து மன மகிழ்ச்சியை உண்டாகும். நவீனகரமான பொருட்களை வாங்கும் யோகம் அமையும். புத்திர வழிகளில் மகிழ்ச்சி ஏற்படும். உத்தியோகஸ்தர்கள் எடுக்கும் பணிகளை சிறப்பாக செய்து முடிப்பார்கள். கணவன்- மனைவி இருவரும் அனுசரித்து நடப்பது நல்லது. தொழில் வியாபாரம் செய்பவர்களுக்கு நல்ல லாபம் அமையும். கூட்டாளிகளின் ஒத்துழைப்புகள் மகிழ்ச்சியளிக்கும். சனி ப்ரீதியாக ஆஞ்சநேயரை வழிபடவும்.

சனிபகவான் மகர ராசியில் அவிட்ட நட்சத்திரத்தில் 18-02-2022 முதல் 28-04-2022 வரை

சனிபகவான் செவ்வாய் நட்சத்திரமான அவிட்டத்தில் அஷ்டம ஸ்தானத்தில் சஞ்சரிப்பதால் எதிலும் பொறுமையுடன் செயல்படுவது நல்லது. உடல் சோர்வு, மந்த நிலை எற்படும் என்றாலும் ஆண்டு கோளான குரு 13-04-2022 முடிய பாக்கிய ஸ்தானமான 9-ல் சஞ்சரிப்பதால் பொருளாதார நிலை சிறப்பாக இருக்கும். திருமண சுப காரியங்கள் கைகூடும். கொடுக்கல்- வாங்கல் சிறப்பாக இருக்கும் என்றாலும் ஆடம்பர செலவுகளை குறைத்துக் கொள்வது நல்லது. கணவன்- மனைவி விட்டு கொடுத்து நடப்பது, நெருங்கியவர்களை அனுசரித்து செல்வது நல்லது. உத்தியோகஸ்தர்களுக்கு எதிர்பார்க்கும் ஊதிய உயர்வுகள், மற்றும் பதவி உயர்வுகள் கிடைக்கும். சிலருக்கு எதிர்பார்த்த இட மாற்றங்களும் கிட்டும். செல்வம், செல்வாக்கு உயரும். அசையும், அசையா சொத்துகள் வாங்கும் யோகம் உண்டாகும். பழைய கடன்கள் படிப்படியாக குறையும். தொழில், வியாபாரம் செய்பவர்களுக்கு நல்ல லாபம் கிடைக்கும். பயணங்களால் அனுகூலம் உண்டாகும். சனிப்ரீதியாக ஆஞ்சநேயரை வழிபடுவது, அம்மன் வழிபாடு செய்வது சிறப்பு.

சனிபகவான்அதிசாரமாக கும்ப ராசியில் அவிட்ட நட்சத்திரத்தில் 29-04-2022 முதல் 04-06-2022 வரை

அஷ்டம ஸ்தானத்தில் சஞ்சரித்த சனி அதிசாரமாக பாக்கிய ஸ்தானமான 9-ல், ராகு 11-ல் சஞ்சரிப்பதால் உடல் நிலையில் இருந்த பாதிப்புகள் விலகி எதிலும் சுறுசுறுப்புடன் செயல்படுவீர்கள். எடுக்கும் முயற்சிகளில் வெற்றி கிட்டும். கொடுக்கல்- வாங்கல் லாபத்தை தரும். எதிரிகளின் பலம் குறைந்து உங்கள் பலம் கூடும். நெருங்கியவர்களை அனுசரித்து நடப்பது நற்பலனை உண்டாக்கும். குரு 10-ல் சஞ்சரிப்பதால் உத்தியோகத்தில் வேலைபளு அதிகரித்தாலும் பதவி உயர்வுகள் கிடைக்கும். தொழில் வியாபாரத்தில் போட்டிகள் இருந்தாலும் அடைய வேண்டிய லாபத்தை அடைந்து விடுவீர்கள். வேலையாட்களை அனுசரித்து நடப்பது நற்பலனை தரும்.  புதிய வாய்ப்புகள் தேடி வரும். கொடுத்த வாக்குறுதிகளைக் காப்பாற்ற முடியும். வெளியூர் பயணங்களால் சாதகமான பலன்கள் ஏற்படும். கேது 5-ல் சஞ்சரிப்பதால் உணவு விஷயத்தில் கட்டுபாடுடன் இருந்தால் தான் ஆரோக்கியம் சிறப்பாக இருக்கும். தட்சிணாமூர்த்தியை வழிபடுவதும், விநாயகரை வழிபடுவதும் நல்லது.

சனிபகவான் வக்ர கதியில் 05-06-2022 முதல் 21-10-2022 வரை

சனிபகவான் வக்ர கதியில் சஞ்சரிப்பதாலும் சர்ப்ப கிரகமான ராகு 11-ல் சஞ்சரிப்பதாலும் எதிர்நீச்சல் போட்டாவது முன்னேற்றங்களை அடைவீர்கள். கடந்த கால பிரச்சினைகள் சற்றே குறையும். குரு 10-ல் சஞ்சரிப்பதால் எதிலும் கவனமுடன் செயல்பட்டால் மட்டுமே அனுகூலப்பலனை பெற முடியும். பணவரவுகளில் இருந்த தடைகள் படிப்படியாக விலகும். குடும்பத்தில் திருமணம் போன்ற சுபகாரியங்கள் சிறு தடைக்கு பின்பு கைகூடும். உணவு விஷயத்தில் கவனம் தேவை. கொடுக்கல்- வாங்கலில் கவனமாக செயல்பட்டால் லாபம் காண முடியும். கொடுத்த கடன்களும் வசூலாகும். தொழில் வியாபாரம் செய்பவர்கள் கூட்டாளிகளை அனுசரித்து நடப்பது நல்லது. புதிய ஒப்பந்தங்களில் கையெழுத்திடும் போது சிந்தித்துச் செயல்படவும். உத்தியோகஸ்தர்களுக்கு பணியில் சிறுசிறு நெருக்கடிகள் நிலவினாலும் எதிர்பாராத ஊதிய உயர்வுகள் கிடைக்கும். பெருமாளை வழிபடுவதும், விநாயகரை வழிபடுவதும் நல்லது.

சனிபகவான் மகர ராசியில் அவிட்ட நட்சத்திரத்தில் 22-10-2022 முதல் 17-01-2023 வரை

சனிபகவான் அஷ்டம ஸ்தானத்தில் செவ்வாய் நட்சத்திரமான அவிட்டத்தில் சஞ்சரிப்பதால் உடல் ஆரோக்கியத்தில் அக்கறை எடுத்து கொள்வது சிறப்பு, உடல் சோர்வு ஏற்படும் என்பதால் எதிலும் நிதானமாக செயல்படுவது முலம் முன்னேற்றத்தை அடைய முடியும். ராகு 11-ல் சஞ்சரிப்பதால் எதிர்பாராத பொருளாதார உதவிகள் கிடைக்கும். கணவன்- மனைவியிடையே ஒற்றுமை நன்றாக இருக்கும். உற்றார் உறவினர்கள் ஆதரவாக செயல்படுவார்கள். கொடுக்கல்- வாங்கலில் அதிக முதலீடு கொண்ட செயல்களை தவிர்ப்பது நல்லது. அசையும் அசையா சொத்துகளால் சுபச் செலவுகள் ஏற்படும். குரு 10-ல் சஞ்சரிப்பதால் தொழிலில் சிறுசிறு நெருக்கடிகள் ஏற்பட்டாலும் லாபம் தடைப்படாது. கூட்டாளிகள் ஒற்றுமையுடன் செயல்படுவதால் மன அமைதி உண்டாகும். உத்தியோகஸ்தர்களுக்கு பணியில் நெருக்கடிகள் உண்டானாலும் உயரதிகாரிகளின் ஆதரவுகள் மகிழ்ச்சியளிக்கும். சனிக்கு எள் தீபமேற்றி வழிபடுவது நல்லது.

அதிர்ஷ்டம் அளிப்பவை

எண் – 5,6,8,             நிறம் – பச்சை, வெள்ளை,        கிழமை – புதன், வெள்ளி

கல் – மரகதம்             திசை – வடக்கு                 தெய்வம் – விஷ்ணு

ரிஷபம் ராசி –  சனி பெயர்ச்சி பலன்கள் 2020  -2023

ரிஷபம் ராசி – திருக்கணித  சனி பெயர்ச்சி பலன்கள் 2020  -2023

24-01-2020 முதல் 17-01-2023 வரை

பலன்கள், பரிகாரங்கள், அதிர்ஷ்ட குறிப்புகள் அடங்கியது

 

கணித்தவர்

ஜோதிட மாமணி,

முனைவர் முருகு பால முருகன்

Dip in astro, B.L, M.A.astro. PhD in Astrology.

No: 19/33 வடபழனி ஆண்டவர் கோயில் தெரு,

தபால் பெட்டி எண் – 2255.  வடபழனி,

சென்னை – 600 026 தமிழ்நாடு, இந்தியா.

cell: 0091  7200163001. 9383763001,

 

ரிஷபம்  கிருத்திகை 2,3,4-ஆம் பாதங்கள் ரோகிணி, மிருகசீரிஷம் 1,2-ஆம் பாதங்கள்

இனிமையான சுபாவமும், எல்லோரையும் வசீகரப்படுத்த கூடிய ஆற்றலும் கொண்ட ரிஷப ராசி நேயர்களே, சுக்கிரனின் ராசியில் பிறந்த உங்களுக்கு இதுநாள் வரை சனி 8-ல் சஞ்சரித்து அஷ்டமச்சனி நடைபெற்றதால்  பல்வேறு வகையில் இன்னல்களை சந்தித்து வந்தீர்கள். உங்கள் ராசிக்கு 9, 10-க்கு அதிபதியான சனிபகவான் தர்மகருமாதிபதி என்பதால் யோககாரகன் ஆகும். திருக்கணிதப்படி வரும் 24-01-2020 முதல் 17-01-2023 வரை பாக்கிய ஸ்தானத்தில் மகர ராசியில் ஆட்சி பெற்று சஞ்சரிக்க இருப்பதால் உங்களுக்கு இருந்த பிரச்சினைகள் எல்லாம் படிப்படியாக குறைந்து ஏற்றம் மிகுந்த பலன்களை அடைவீர்கள். எதிர்பாராத தன வரவுகள் கிடைக்கப் பெற்று செல்வம் செல்வாக்கு உயரும். பழைய கடன்கள் படிப்படியாக குறையும். குடும்பத் தேவைகள் அனைத்தும் பூர்த்தியாகும். நவீனகரமான பொருட்களை வாங்கும் யோகம் உண்டாகும். சிலருக்கு புது வீடு கட்டி குடி போகும் யோகம் கிட்டும். உடல்நிலையில் தெம்பும், உற்சாகமும் உண்டாகி எடுக்கும் காரியங்களை சிறப்புடன் செய்து முடிக்கும் ஆற்றலைப் பெறுவீர்கள். கடந்த கால மருத்துவ செலவுகள் குறையும். கொடுக்கல்—- வாங்கலில் சரளமான நிலை இருக்கும். தொழில், வியாபாரம் செய்பவர்களுக்கு கடந்த கால தேக்கங்கள் விலகி லாபங்கள் அதிகரிக்கும். புதிய தொழில் தொடங்கும் முயற்சிகளில் சாதகப்பலனை அடைவீர்கள். உத்தியோகத்தில் இருந்த பிரச்சினைகள் விலகி நல்ல வாய்ப்புகள் கிடைக்கும். கடந்த கால வேலைபளு குறைந்து பதவி உயர்வுகள், சம்பள உயர்வுகள் கிடைத்து மகிழ்ச்சி ஏற்படும். வெளியூர், வெளிநாடு செல்லும் வாய்ப்புகள் கிடைக்கப் பெற்று எதிர்பாராத பொருளாதார மேன்மை உண்டாகும்.

சனி பாக்கிய ஸ்தானத்தில் சஞ்சரிக்க உள்ள இக்காலத்தில் ஆண்டு கோள் என வர்ணிக்கப்படும் குரு பகவான் உங்கள் ராசிக்கு 9-ஆம் வீட்டில் 20-11-2020 முதல் 20-11-2021 வரையும், 11-ஆம் வீட்டில் 13-04-2022 முதல் 22-04-2023 வரையும் சஞ்சரிக்க உள்ளதால் இக்காலங்களில் உங்கள் பலமும் வலிமையும் கூடும். பொருளாதார நிலை மிக சிறப்பாக இருக்கும். திருமணம் போன்ற சுப காரியங்கள் எளிதில் கைகூடும். நல்ல வரன்கள் தேடி வரும். குடும்பத்தில் மகிழ்ச்சி தரகூடிய நிகழ்ச்சிகள் நடைபெறும். புத்திர பாக்கியம் வேண்டுபவர்களுக்கு சிறப்பான புத்திரபாக்கியம் உண்டாகும். தற்போது 2, 8-ல் சஞ்ரிக்கும் ராகு, கேது வரும் 23-09-2020 முதல் 12-04-2022 முடிய 1, 7-ல் சஞ்சரிக்க இருப்பதால் பேச்சில் நிதானத்தை கடைபிடிப்பது நல்லது. குடும்பத்தில் கணவன்- மனைவியிடையே தேவையற்ற கருத்து வேறுப்பாடுகள் உண்டாகும். கூட்டு குடும்பத்தில் உள்ளவர்கள் மிகவும் எச்சரிக்கையாக இருக்க வேண்டிய காலமாகும். உறவினர்களை அனுசரித்து செல்வது நல்லது. உணவு விஷயத்தில் கட்டுபாடுடன் இருந்தால் ஆரோக்கிய ரீதியாக ஏற்படும் சிறு சிறு பாதிப்புகளை எளிதில் எதிர்கொள்ள முடியும்.

 

உடல்ஆரோக்கியம்  

உடல்நிலை சிறப்பாக இருக்கும். எதிலும் சுறுசுறுப்புடன் செல்படுவீர்கள். உணவு விஷயத்தில் கட்டுபாடுடன் இருந்தால் அன்றாட செயல்களை சிறப்பாக செய்து முடிக்க முடியும். கடந்த கால மருத்துவ செலவுகள் யாவும் படிப்படியாக குறையும். மனைவி பிள்ளைகள் மற்றும் நெருங்கியவர்களின் ஆதரவுகள் உங்களுக்கு மகிழ்ச்சியை அளிக்கும். அடிக்கடி பயணங்கள் மேற்கொள்ள நேரிடும்.

குடும்பம், பொருளாதார நிலை

குடும்பத்தில் மகிழ்ச்சி தர கூடிய இனிய நிகழ்ச்சிகள் நடைபெறும். பொருளாதார நிலை சிறப்பாக இருந்து கடந்த கால கடன்கள் குறையும் யோகம், சேமிப்புகள் அதிகரிக்கும் அமைப்பு உண்டாகும். நவீனகரமான பொருட் சேர்க்கை, வீடு, மனை, வண்டி, வாகனம் வாங்கும் யோகம் ஏற்படும். பிரிந்த உறவினர்களும் தற்போது நட்பு பாராட்டு நிலை உண்டாகும். நீண்ட நாட்களாக தடைப்பட்ட சுபகாரியங்கள் கை கூடும்.

கொடுக்கல்- வாங்கல்

கமிஷன், ஏஜென்ஸி, காண்டிராக்ட் போன்றவற்றில் அற்புதமான லாபம் கிடைக்கும். கொடுக்கல்- வாங்கலில் பெரிய தொகைகளை எளிதில் ஈடுபடுத்தி லாபம் அடைய முடியும். வெளியூர், வெளிநாடு தொடர்புகளால் அனுகூலம் அதிகரிக்கும். கொடுத்த வாக்குறுதிகளை காப்பாற்றுவதால் பெரிய மனிதர்களின் நட்பு ஏற்படும். சேமிப்பு அதிகரிக்கும்.

தொழில், வியாபாரம்

தொழில் வியாபாரத்தில் சிறப்பான முன்னேற்றம் உண்டாகும். இதுநாள் வரை இருந்து வந்த தேக்க நிலைகளும், போட்டி பொறாமைகளும், மறைந்து தொழிலில் நல்ல வளர்ச்சி லாபங்கள் அடையும் யோகம் உண்டாகும். எதிர்பார்க்கும் உதவிகள் அனைத்தும் தக்க சமயத்தில் கிடைக்கும். உடனிருக்கும் வேலையாட்களால் சாதகமான பலன்கள் உண்டாகும்.

உத்தியோகம்

உத்தியோக நிலையில் இதுநாள் வரை தடைப்பட்ட ஊதிய உயர்வு, பதவி உயர்வுகள் யாவும் இனி எளிதில் கிடைக்கும். மேலதிகாரிகளின் பரிபூரண ஒத்துழைப்பும். உடன் பணிபுரிபவர்களின் ஆதரவும் உங்களின் வேலை பளுவை குறைத்துக் கொள்ள உதவும். வெளியூர், வெளிநாடு செல்லும் வாய்ப்புகளும் அதன் மூலம் அனுகூலப்பலன்களும் ஏற்படும்.

அரசியல்

உங்கள் வாழ்வில் பல முன்னேற்றங்களை ஏற்படுத்த கூடிய இனிய காலமாக இருக்கும். இதுநாள் வரை இருந்து வந்த பிரச்சினைகள் அனைத்தும் விலகி பதவிகளில் மேன்மை, நல்ல வாய்ப்புகள் கிடைக்கும். மக்களின் ஆதரவுகள் பெருகும். எடுக்கும் முயற்சிகளில் வெற்றி கிட்டும். உங்கள் மிது இருந்த அவப்பெயர்கள் நீங்கும்.

விவசாயிகள்

பயிர் விளைச்சல் சிறப்பாக இருக்கும். போட்ட முதலீட்டினை எளிதில் எடுத்து விட முடியும். புதிய பூமி, மனை வாங்கும் முயற்சிகளில் அனுகூலங்கள் ஏற்படும். குடும்பத்தில் உள்ளவர்களிடம் விட்டுக் கொடுத்து நடப்பது நல்லது. அரசு வழியில் எதிர்பார்க்கும் உதவிகள் கிடைக்கும். பங்காளிகள் வழியில் இருந்த கருத்து வேறுப்பாடுகள் குறையும்.

கலைஞர்கள்

எதிர்பார்க்கும் கதாபாத்திரங்கள் கிடைக்க பெற்று மகிழ்ச்சி உண்டாகும். கடந்த கால நெருக்கடிகள் விலகி பெயர், புகழ் உயரும். கலை, இசை, நாட்டியம், சங்கீத துறைகளில் உள்ளவர்கள் ஏற்றம் பெறுகின்ற காலமாக இருக்கும். நல்ல வாய்ப்புகள் கிடைத்து புதிய ஒப்பந்தங்களில் கையெழுத்திடும் நிலை ஏற்படும். வெளியூர், வெளிநாடு செல்லும் வாய்ப்புகள் கிடைக்கும்.

பெண்கள்

பொருளாதார நிலை சிறப்பாக அமைந்து குடும்பத்தில் மகிழ்ச்சி நிலவும். மங்களகரமான சுபகாரியங்கள் கைகூடும். பொன் பொருள், ஆடை, ஆபரணங்கள் சேரும். சிலர் புது வீடு கட்டி குடிபுகும் வாய்ப்பு உண்டாகும். உற்றார் உறவினர்களிடையே விட்டு கொடுத்து சென்றால் ஒற்றுமை நிலவும், பணிபுரியும் பெண்களுக்கு வேலையில் திருப்தியும் மன நிறைவும் ஏற்படும்.

மாணவ- மாணவியர்

மந்த நிலை விலகி எதிலும் சுறுசுறுப்புடன் செயல்பட்டு நல்ல பெயர் எடுப்பீர்கள். விளையாட்டுத் துறைகளில் ஈடுபட்டு வெற்றிகளைப் பெறுவீர்கள். நல்ல நண்பர்களின் சேர்க்கை மன மகிழ்ச்சியை உண்டாக்கும். மேற்கல்விக்காக வெளியூர், வெளிநாடு செல்ல கூடிய யோகமும் உண்டாகும். பெற்றோர், ஆசிரியர்களின் ஆதரவுப் சிறப்பாக இருக்கும்.

 

சனிபகவான் மகர ராசியில் உத்திராட நட்சத்திரத்தில் 24-01-2020 முதல் 10-05-2020 வரை

சனிபகவான் உங்கள் ராசிக்கு பாக்கிய ஸ்தானமான 9-ல் சூரியன் நட்சத்திரத்தில் சஞ்சரிப்பதால் எடுக்கும் முயற்சியில் ஏற்றம் மிகுந்த பலன்களை அடைவீர்கள். பொருளாதார நிலை ஏற்ற இறக்கமாக இருந்தாலும் தேவைகள் அனைத்தும் பூர்த்தியாகும். கடந்த கால கடன்கள் படிப்படியாக குறையும். உத்தியோகஸ்தர்கள் உயர்வான பதவிகளைப் பெறுவா£ர்கள். உடனிருப்பவர்களின் ஒத்துழைப்புகள் மகிழ்ச்சி அளிக்கும். தொழில், வியாபாரத்தில் எதிர்பார்க்கும் லாபம் கிடைக்கும். பெரிய முதலீடுகளில் செய்ய நினைக்கும் காரியங்களில் சற்று கவனம் தேவை. குரு 8-ல் சஞ்சரிப்பதால் கொடுக்கல்- வாங்கலில் கவனமுடன் செயல்பட்டால் லாபத்தை அடையலாம். சர்ப்பகிரகமான ராகு 2-ல், கேது 8-ல் சஞ்சரிப்பதால் நெருங்கியவர்களை அனுசரித்து செல்வதும், கணவன்- மனைவி விட்டு கொடுத்து நடப்பதும் நன்மை அளிக்கும். உடல் ஆரோக்கியத்திலும் உணவு விஷத்திலும் கவனம் தேவை. குரு ப்ரீதியாக தட்சிணாமூர்த்தியை வழிபாடு செய்வது நன்மையை தரும்.

சனிபகவான் மகர ராசியில் வக்ர கதியில் 11-05-2020 முதல் 28-09-2020 வரை

சனிபகவான் பாக்கிய ஸ்தானமான 9-ல் வக்ர கதியில் சஞ்சரிப்பதாலும் 2-ல் ராகு, கேது சஞ்சரிப்பதாலும் எதிலும் சற்று நிதானமாக செயல்படுவது நல்லது. குரு வக்ர கதியில் சஞ்சரிப்பதால் பணவரவுகளில் நெருக்கடிகள் நிலவினாலும் எதையும் சமாளிக்க முடியும். கணவன்- மனைவி விட்டுக் கொடுத்து நடந்து கொண்டால் ஒற்றுமை குறையாமல் இருக்கும். சிலருக்கு பூமி மனையால் சிறுசிறு விரயங்கள் ஏற்பட்டாலும் பெரிய கெடுதிகள் இல்லை. பேச்சில் சற்று நிதானத்தைக் கடைப்பிடிப்பது நல்லது. மற்றவர்களுக்கு முன் ஜாமீன் கொடுப்பதால் வீண் விரோதங்களை சந்திக்க நேரிடும். வெளியூர் பயணங்களால் அலைச்சல் ஏற்பட்டாலும் அதன் மூலம் அனுகூலமான பலன்களை அடைய முடியும். உத்தியோகஸ்தர்கள் எதிர்பார்க்கும் உயர்வுகளில் தாமத நிலை ஏற்படும். உடனிருப்பவர்களின் ஒத்துழைப்புகள் சற்று ஆறுதலாக அமைந்து வேலைபளு குறையும். சனி ப்ரீதியாக ஆஞ்சநேயரை வழிபடுவது உத்தமம்.

சனிபகவான் மகர ராசியில் உத்திராட நட்சத்திரத்தில் 29-09-2020 முதல் 22-01-2021 வரை

சனிபகவான் உங்கள் ராசிக்கு 9-ல் சூரியன் நட்சத்திரமான உத்திராடத்தில் சஞ்சரிப்பதால் பணவரவுகள் தாராளமாக இருந்து உங்கள் தேவைகள் பூர்த்தியாகும். உடல் நிலைகளில் சிறுசிறு பாதிப்புகள் தோன்றினாலும் பெரிய கெடுதிகள் ஏற்படாது. தொழில், வியாபாரத்தில் நல்ல லாபம் கிடைக்கும். வரும் 20-11-2020 முதல் குரு 9-ஆம் வீட்டில் சஞ்சரிப்பதால் சகல விதத்திலும் மேன்மையான பலன்கள் ஏற்படும். தடைப்பட்ட சுபகாரியங்கள் எளிதில் கைகூடி குடும்பத்தில் மகிழ்ச்சி ஏற்படும். உத்தியோகத்தில் இருப்பவர்களுக்கு எதிர்பார்க்கும் உயர்வுகள் கிடைத்து இருக்கும் மன கவலை நீங்கி குடும்பத்தில் மகிழ்ச்சி உண்டாகும். ஜென்ம ராசியில் ராகு, 7-ல் கேது சஞ்சரிப்பதால் கூட்டாளிகளிடம் விட்டு கொடுத்து செல்வது நல்லது. கணவன்- மனைவி இடையே வீண் வாக்குவாதங்கள் ஏற்படும். கொடுக்கல்- வாங்கலில் முன்னெச்சரிக்கையுடன் இருப்பது நல்லது. தேவையற்ற பயணங்களை தவிர்த்தால் அலைச்சல்கள் குறையும். அம்மன் வழிபாடு, விநாயகர் வழிபாடு செய்வது நல்லது.

சனிபகவான் மகர ராசியில் திருவோண நட்சத்திரத்தில் 23-01-2021 முதல் 23-05-2021 வரை

சனிபகவான் உங்கள் ராசிக்கு 9-ல் திருவோணம் நட்சத்திரத்தில் குரு சேர்க்கை பெற்று சஞ்சரிப்பதால் உடல் ஆரோக்கியத்தில் இருந்த பாதிப்புகள் விலகி எதிலும் சுறுசுறுப்பாக செயல்படுவீர்கள். எடுக்கும் முயற்சிகளில் வெற்றி கிட்டும். எந்த காரியத்தையும் எளிதில் செய்து முடிக்கும் ஆற்றலைப் பெறுவீர்கள். பொருளாதார நிலை சிறப்பாக இருக்கும். கடன்கள் படிப்படியாக குறையும். குடும்பத்தில் மங்களகரமான சுபகாரியங்கள் கைகூடும். கொடுத்த வாக்குறுதிகளை காப்பாற்ற முடியும். வெளியூர், வெளிநாட்டு செல்ல கூடிய வாய்ப்புகள் அமையும். வெளிவட்டார தொடர்புகளால் அனுகூலமானப் பலன்கள் கிட்டும். எந்த தொழில் செய்பவராக இருந்தாலும் எதிர்பார்த்த லாபத்தை அடைவீர்கள். உத்தியோகஸ்தர்கள் எதிர்பார்த்த பதவி உயர்வுகளை அடைவார்கள். ஜென்ம ராசியில் ராகு, 7-ல் கேது சஞ்சரிப்பதால் கணவன்- மனைவி இடையே விட்டு கொடுத்து செல்வது நல்லது. ராகு கேதுவுக்கு பரிகாரமாக அம்மன் வழிபாடு செய்வது உத்தமம்.

சனிபகவான் மகர ராசியில் வக்ர கதியில் 24-05-2021 முதல் 10-10-2021 வரை

சனிபகவான் மகர ராசியில் வக்ர கதியில் சஞ்சரிப்பதால் எதிலும் சற்று கவனமுடன் நடந்துக் கொண்டால் அனுகூலமான பலன்களை அடையலாம். ஜென்ம ராசியில் ராகு, 7-ல் கேது சஞ்சரிப்பதால் குடும்பத்தில் தேவையற்ற பிரச்சினைகள் உண்டாக கூடும் என்பதால் கணவன்- மனைவி சற்று விட்டுக் கொடுப்பது நடப்பது நல்லது. குரு அதிசாரமாக 10-ல் சஞ்சரிப்பதாலும் 20-06-2021 முதல் வக்ரகதியில் சஞ்சரிப்பதாலும் பண விஷயத்தில் சிக்கனமாக இருப்பது நல்லது. சுபகாரிய முயற்சிகளில் தடைகளுக்குப்பின் நல்லது நடக்கும். தொழில் வியாபாரம் செய்பவர்களுக்கு அனுகூலமான பலன்கள் உண்டாகும் என்றாலும் கூட்டாளிகளிடையே கருத்து வேறுபாடுகள் ஏற்படும். பயணங்களால் அலைச்சல்கள் அதிகரிக்கும். உத்தியோகத்தில் இருப்பவர்களுக்கு வேலைபளு அதிகரித்தாலும் உடன் பணிபுரிபவர்களின் ஒத்துழைப்பு சிறப்பாக இருப்பதால் எதையும் சமாளிப்பீர்கள். ஆஞ்சநேயரை வழிபடுவது விநாயகர் வழிபாடு செய்வது கெடுதியை குறைக்கும்.

சனிபகவான் மகர ராசியில் திருவோண நட்சத்திரத்தில் 11-10-2021 முதல் 17-02-2022 வரை

சனிபகவான் பாக்கிய ஸ்தானமான 9-ல் சந்திரன் நட்சத்திரத்தில் சஞ்சரிப்பதால் உடல் ஆரோக்கியம் ஒரளவுக்கு சிறப்பாக இருக்கும். பணவரவுகள் தேவைக்கேற்றபடி அமைந்து உங்கள் தேவைகள் பூர்த்தியாகும், கடன்களும் சற்று குறையும். எதிர்பாராத உதவிகள் கிடைக்கும். திருமண சுப காரியங்கள் தடைகளுக்குப்பின் கை கூடும். ஜென்ம ராசியில் ராகு, 7-ல் கேது சஞ்சரிப்பதால் குடும்பத்தில் சிறுசிறு வாக்குவாதங்கள் தோன்றினாலும் ஒற்றுமை குறையாது. சற்றே அலைச்சல் டென்ஷன்கள் அதிகரிக்கும். வரும் 20-11-2021 முதல் குரு 10-ல் சஞ்சரிப்பதால் தொழில் வியாபாரத்தில் எதிர்பார்க்கும் லாபம் கிட்டும் என்றாலும் வேலை ஆட்களை சற்று அனுசரித்து செல்வது, அதிக முதலீடு கொண்ட செயல்களில் கவனமுடன் இருப்பது நல்லது. உத்தியோகஸ்தர்களுக்கு வெளியூர் பயணங்கள் மேற்கொள்ளும் வாய்ப்பு ஏற்படும். பணியில் பிறர் செய்யும் தவறுகளுக்கு பொறுப்பேற்க வேண்டிய சூழ்நிலைகள் உண்டாகும். உயரதிகாரிகளிடம் பேசும்போது நிதானத்தை கடைப்பிடிப்பது நல்லது. குரு ப்ரீதியாக தட்சிணாமூர்த்தியை வழிபடுவது உத்தமம். 

சனிபகவான் மகர ராசியில் அவிட்ட நட்சத்திரத்தில் 18-02-2022 முதல் 28-04-2022 வரை

சனிபகவான் பாக்கிய ஸ்தானமான 9-ல் செவ்வாய் நட்சத்திரத்தில் சஞ்சரிப்பதால் எதையும் சமாளித்துவிடக்கூடிய ஆற்றலும் திறமையும் உண்டாகும். பொருளாதார நிலை சிறப்பாக இருந்து எதிலும் முன்னேற்றமான நிலை இருக்கும். ஜென்ம ராசியில் ராகு, 7-ல் கேது சஞ்சரிப்பதால் கணவன்- மனைவியிடையே கருத்து வேறுபாடுகள் தோன்றினாலும் ஒற்றுமை குறையாது. பேச்சில் நிதானத்தைக் கடைப்பிடிப்பது அனைவரையும் அனுசரித்துச் செல்வது நல்லது. உடல் ஆரோக்கியத்தில் அதிக அக்கறை எடுத்துக் கொள்வது அவசியம். குரு 10-ல் சஞ்சரிப்பதால் தொழில் வியாபாரம் செய்பவர்களுக்கு நெருக்கடிகள் இருந்தாலும் போட்ட முதலீட்டினை எடுத்து விடக்கூடிய அளவிற்கு வாய்ப்புகள் தேடி வரும். கூட்டாளிகளிடம் சற்று விட்டுக் கொடுத்து நடந்துக் கொண்டால் மட்டுமே அபிவிருத்தியை பெருக்கிக் கொள்ள முடியும். உத்தியோகத்தில் வேலைபளு அதிகப்படியாக இருந்தாலும் அடைய வேண்டிய இலக்கை அடைந்து விடுவீர்கள். வெளியூர் பயணங்களும் அதன் மூலம் பொருளாதார மேன்மையும் உண்டாகும். ராகு கேதுவுக்கு பரிகாரமாக அம்மன் வழிபாடு செய்வது உத்தமம்.

சனிபகவான்அதிசாரமாக கும்ப ராசியில் அவிட்ட நட்சத்திரத்தில் 29-04-2022 முதல் 04-06-2022 வரை

சனிபகவான் அதிசாரமாக 10-ல் சஞ்சரிப்பது சற்று சாதகமற்ற அமைப்பு என்பதால் எதிலும் நிதானமாக இருப்பது நல்லது. உங்கள் ராசிக்கு ஆண்டு கோளான குரு 11-ல், சர்ப்ப கிரகமான கேது 6-ல் சஞ்சரிப்பதால் எதிர்பாராத உதவிகள் கிடைக்கும், பணவரவுகள் தேவைக்கேற்றபடி இருக்கும். கடந்த கால கடன்கள் படிப்படியாக குறையும். திருமணம் போன்ற சுபகாரிய முயற்சிகள் எளிதில் கைகூடும். குடும்பத்தில் மகிழ்ச்சி நவீனகரமான பொருட்கள் வாங்கும் வாய்ப்புகள் உண்டாகும். உடல் நிலையில் இருந்த மந்த நிலை மறைந்து எதிலும் சுறுசுறுப்பாக செயல்படுவீர்கள். கணவன்- மனைவியிடையே உள்ள கருத்து வேறுப்பாடுகள் மறைந்து ஒற்றுமை அதிகரிக்கும், தொழில் வியாபாரத்தில் சிறிது மந்த நிலை தோன்றினாலும் பொருட்தேக்கம் ஏற்படாது. அடையவேண்டிய இலக்கை அடைந்து வீடுவீர்கள். உத்தியோகஸ்தர்களுக்கு பணியில் வேலைபளு அதிகரித்தாலும் உடன்பணிபுரிபவர்களின் ஆதரவுகள் சிறப்பாக இருப்பதால் நிம்மதியாக இருப்பீர்கள். ஆஞ்சநேயர் வழிபாடு மேற்கொள்வது சிறப்பு.

சனிபகவான் வக்ர கதியில் 05-06-2022 முதல் 21-10-2022 வரை

சனிபகவான் வக்ர கதியில் சஞ்சரிப்பதாலும் குரு 11-ல், கேது 6-ல் சஞ்சரிப்பதாலும் உடல்நிலையில் இருந்த பிரச்சினைகள் விலகி எதிலும் சுறுசுறுப்பாக செயல்படுவீர்கள். பொருளாதார நிலை மிக சிறப்பாக இருக்கும். எடுக்கும் முயற்சிகளில் அனுகூலங்கள் உண்டாகும். கடந்த கால கனவுகள் நினைவாகும். நினைத்த காரியங்கள் நிறைவேறும். திருமணம் போன்ற சுபகாரிய முயற்சிகள் எளிதில் கைகூடும். புத்திர வழியில் மகிழ்ச்சி தரக்கூடிய நிகழ்ச்சிகள் நடைபெறும். பொன், பொருள் சேரும். உற்றார் உறவினர்களின் வருகை மகிழ்ச்சியளிக்கும். கணவன்- மனைவி இடையே இருந்த கருத்து வேறுபாடுகள் மறையும். தொழில் வியாபாரத்தில் கடந்த காலங்களில் இருந்த தேக்கங்கள் மறைந்து லாபங்களை அடைய முடியும். நண்பர்களால் சாதகமான பலன்கள் உண்டாகும். உத்தியோகத்தில் மேலதிகாரிகளின் ஆதரவு சிறப்பாக இருக்கும். விநாயகரை வழிபடுவதும் துர்க்கையம்மனை வழிபடுவதும் உத்தமம்.

சனிபகவான் மகர ராசியில் அவிட்ட நட்சத்திரத்தில் 22-10-2022 முதல் 17-01-2023 வரை

சனிபகவான் பாக்கிய ஸ்தானமான 9-ல் செவ்வாய் நட்சத்திரமான அவிட்டத்தில் சஞ்சரிப்பதும், குரு 11-ல், கேது 6-ல் சஞ்சரிப்பதும் அற்புதமான அமைப்பாகும். தன வரவுகள் சிறப்பாக இருந்து அனைத்துத் தேவைகளும் பூர்த்தியாவதுடன் கடன்களும் குறையும். நீண்ட நாள் கனவுகள் எல்லாம் நிறைவேற கூடும். குடும்பத்தில் மகிழ்ச்சியும் பூரிப்பும் நிலவும். தொட்டதெல்லாம் துலங்க கூடிய பொற் காலமாக அமையும். எடுக்கும் முயற்சிகளில் வெற்றி கிட்டும். சுபகாரியங்கள் எளிதில் கைகூடும். நீங்கள் எந்த தொழில் செய்பவராக இருந்தாலும் லாபகரமான பலனை அடைய முடியும். எந்த போட்டிகளையும் எதிர்கொள்ள கூடிய வலிமை வல்லமை உண்டாகும்.  கணவன்- மனைவியிடையே ஒற்றுமை சிறப்பாக இருக்கும். உத்தியோகஸ்தர்களுக்கு பணியில் நிம்மதியான நிலையிருக்கும். எதிர்பார்க்கும் ஊதிய உயர்வுகளும் தடையின்றிக் கிட்டும். நல்ல வாய்ப்புகள் தேடி வரும். துர்கையம்மனை வழிபடுவது உத்தமம்.

 

அதிர்ஷ்டம் அளிப்பவை

எண் – 5,6,8             நிறம் – வெண்மை, நீலம்,          கிழமை – வெள்ளி, சனி

கல் –  வைரம்              திசை – தென்கிழக்கு,                  தெய்வம் – விஷ்ணு, லக்ஷ்மி

மேஷம் –  சனி பெயர்ச்சி பலன்கள் 2020  -2023

மேஷம் – திருக்கணித  சனி பெயர்ச்சி பலன்கள் 2020  -2023

24-01-2020 முதல் 17-01-2023 வரை

பலன்கள், பரிகாரங்கள், அதிர்ஷ்ட குறிப்புகள் அடங்கியது

கணித்தவர்

ஜோதிட மாமணி,

முனைவர் முருகு பால முருகன்

Dip in astro, B.L, M.A.astro. PhD in Astrology.

No: 19/33 வடபழனி ஆண்டவர் கோயில் தெரு,

தபால் பெட்டி எண் – 2255.  வடபழனி,

சென்னை – 600 026 தமிழ்நாடு, இந்தியா.

cell: 0091  7200163001. 9383763001,

 

மேஷம்   அசுவனி, பரணி, கிருத்திகை1-ஆம் பாதம்

நிமிர்ந்த நடையும், கனிந்த பார்வையும் கூர்ந்து கவன¤க்கும் ஆற்றலும் கொண்ட மேஷ ராசி நேயர்களே, செவ்வாயின் ராசியில் பிறந்த உங்களுக்கு இதுவரை உங்கள் ராசிக்கு பாக்கிய ஸ்தானமான 9-ல் சஞ்சரித்த சனி பகவான் திருக்கணிதப்படி வரும் 24-01-2020 முதல் 17-01-2023 வரை ஜீவன ஸ்தானமான 10-ஆம் வீட்டில் ஆட்சி பெற்று சஞ்சரிக்க உள்ளார். ஜீவன ஸ்தானமான 10-ல் சனி சஞ்சரிக்க உள்ளதால் உடல் ஆரோக்கியம் சற்று சாதகமாக இருக்கும். பண வரவுகள் சற்று சாதகமாக இருந்தாலும் அதிகம் உழைக்க வேண்டும். தொழில், வியாபாரத்தில் எதிர் நீச்சல் போட வேண்டி இருக்கும். அதிகப்படியான அலைச்சலால் நிம்மதி குறையும். புதிய முயற்சிகளில் மிகவும் கவனமுடன் செயல்படுவது நல்லது. தேவையற்ற மறைமுக எதிர்ப்புகள் மற்றும் போட்டி பொறாமைகளால் லாபங்கள் சற்று குறையும். தொழிலாளர்களின் ஒத்துழைப்பற்ற நிலைகளால் மந்த நிலை நிலவுவதோடு அபிவிருத்தி குறைய கூடிய சூழ்நிலை ஏற்படும். பெரிய முதலீடுகளை ஈடுபடுத்தி செய்ய நினைக்கும் காரியங்களில் சிந்தித்து செயல்படுவது நல்லது. கூட்டாளிகளை அனுசரித்து செல்வது நல்லது. உத்தியோகஸ்தர்கள் எவ்வாளவு தான் பாடுபட்டாலும் நல்ல பெயரை எடுக்க முடியாது. பிறர் செய்யும் தவறுகளுக்கு நீங்களே பொறுப்பேற்க நேரிடும். உடன் பணிபுரிபவர்களால் வேலைபளு அதிகரித்து நீண்ட நேரம் உழைக்க வேண்டியிருக்கும். புதிய வேலை தேடுபவர்கள் கிடைப்பதை பயன்படுத்தி கொள்வது நல்லது.

சனி ஜீவன ஸ்தானமான 10-ஆம் வீட்டில் சஞ்சரிக்கும் இக்காலங்களில் ஆண்டு கோளான குருபகவான் 05-11-2019 முதல் 20-11-2020 வரை பாக்கிய ஸ்தானமான 9-ஆம் வீட்டிலும், 20-11-2021 முதல் 13-04-2022 வரை லாப ஸ்தானமான 11-ஆம் வீட்டிலும் சஞ்சரிக்க இருப்பதால் உங்களின் பொருளாதார நிலை மிக சிறப்பாக இருக்கும். திருமண போன்ற சுப காரியங்கள் கைகூடும். தொழில் உத்தியோகத்தில் வலமான பலனை பெற முடியும். அசையும் அசையா சொத்துகளை வாங்கும் வாய்ப்பு உண்டாகும். குடும்பத்தில் மகிழ்ச்சி ஏற்படும். நெருங்கியவர்களின் ஆதரவு கிட்டும். புத்திர வழியில் மகிழ்ச்சி தர கூடிய நிகழ்ச்சிகள் நடைபெறும். தற்போது 3, 9-ல் சஞ்ரிக்கும் ராகு, கேது வரும் 23-09-2020 முதல் 12-04-2022 முடிய 2, 8-ல் சஞ்சரிக்க இருப்பது அதன் பின் 30-10-2023 முடிய ஜென்ம ராசியில் ராகு, 7-ல் கேது சஞ்சரிக்க இருப்பதால் கணவன்- மனைவி இடையே தேவையற்ற ஒற்றுமை குறைவு ஏற்படலாம். விட்டு கொடுத்து செல்வது நல்லது. நெருங்கியவர்களை அனுசரித்து சென்றால் முன்னேற்றமான பலனை அடைய முடியும் உணவு விஷயத்தில் கட்டுபாடுடன் இருப்பது மூலம் ஆரோக்கியம் சிறப்பாக இருக்கும்.

உடல் ஆரோக்கியம்

உடல் ஆரோக்கியத்தில் சிறுசிறு பாதிப்புகள் தோன்றினாலும் எதையும் சமாளிப்பீர்கள். அன்றாட பணிகளில் சுறுசுறுப்பாக ஈடுபட முடியாத நிலை உண்டாகும். குடும்பத்தில் உள்ளவர்களுக்கு உடல் நிலையில் ஏற்படும் பாதிப்புகளால் மன நிம்மதி குறையும். எடுக்கும் காரியங்களில் விடாமுயற்சியுடன் செயல்பட்டு வெற்றிகளைப் பெறுவீர்கள். தேவையற்ற பயணங்களால் அலைச்சல் அதிகரிக்கும் என்றாலும் ஒரளவுக்கு அனுகூலங்களும் உண்டாகும்.

குடும்பம் பொருளாதாரநிலை

குடும்பத்தில் அவ்வப்போது சிறுசிறு பிரச்சினைகள் தோன்றினாலும் ஒற்றுமை குறையாது. நெருங்கியவர்களை அனுசரித்து நடந்து கொண்டால் அனுகூலமான நற்பலனை பெறுவீர்கள். பொருளாதார நிலை ஓரளவுக்கு திருப்திளிப்பதாக அமையும். திருமண சுபகாரியங்களுக்கான முயற்சிகளில் வெற்றி கிட்டும்.  குடும்பத் தேவைகள் பூர்த்தியாகும். தேவையற்ற செலவுகளை குறைத்துக் கொண்டால் சேமிக்க முடியும்.

கொடுக்கல்- வாங்கல்

பணவரவுகள் சுமாராக இருக்கும் என்பதால் ஆடம்பர செலவுகளை குறைப்பது எதிலும் சிக்கனமாக இருப்பது நல்லது. கொடுக்கல்- வாங்கலில் ஈடுபட்டு கொண்டு இருப்பவர்கள் பெரிய தொகைகளை ஈடுபடுத்தும் போது மிகவும் கவனமுடன் செயல்பட்டால் மட்டுமே லாபம் அடைய முடியும். உங்களுக்கு தேவையற்ற வம்பு, வழக்குகள் அதிகரிக்கும். நெருங்கியவர்கள் உதவி உங்களுக்கு ஆறுதலாக இருக்கும். கொடுத்த வாக்குறுதிகளை காப்பாற்ற முடியும்.

தொழில், வியாபாரம்

செய்யும் தொழில் வியாபாரத்தில் போட்டி பொறாமைகள் அதிகரிப்பதால் வரவேண்டிய வாய்ப்புகள் தாமதமாகும். இதனால் அபிவிருத்தி சற்று குறையும் என்றாலும் பொருளாதார நிலையில் சற்று சாதகமாக இருக்கும். வேலையாட்கள் உங்களுக்கு வீண் பிரச்சினைகளை ஏற்படுத்துவார்கள் என்பதால் அவர்களை கவனத்துடன் கையாள்வது நல்லது. அரசு வழியில் எதிர்பார்க்கும் உதவிகள் சற்று தாமதமாக கிடைக்கும். வாங்கிய வங்கி கடன்களை செலுத்த முடியாத அளவிற்கு லாபம் குறையும்.

உத்தியோகம்

உத்தியோகஸ்தர்களுக்கு பணியில் முழு மனநிறைவற்ற நிலை உண்டாகும். பணியில் பிறர் செய்யும் தவறுகளுக்கும் சேர்த்தே பொறுப்பேற்க வேண்டியிருக்கும். உடல் நிலையில் உண்டாகக் கூடிய சிறுசிறு பாதிப்புகளால் அடிக்கடி விடுப்பு எடுக்க வேண்டிய சூழ்நிலைகள் உண்டாகும். உயர் அதிகாரிகள் செய்யும் கெடு பிடிகளால் மனநிலையில் நிம்மதிக் குறைவு ஏற்படும். நீண்ட நாட்களாக கிடைக்காமல் இருந்த நிலுவை தொகைகள் தக்க சமயத்தில் கிடைக்கும்.

அரசியல்

அரசியல்வாதிகள் தங்கள் பேச்சில் சற்று நிதானத்தை கடைபிடிப்பது நல்லது. உடனிருபவர்களே துரோகம் செய்ய எண்ணுவார்கள். மக்களுக்கு கொடுத்த வாக்குறுதிகளைக் காப்பாற்றினால் மட்டுமே அவர்களின் ஆதரவுடன் பதவியை தக்க வைத்துக் கொள்ள முடியும். எதிர்பார்க்கும் மாண்புமிகு பதவிகள் சிறு தடைக்கு பின்பு கிடைக்கும். கட்சிப் பணிகளுக்காக அதிகம் செலவுகள் செய்ய நேரிடும். பயணங்களால் அலைச்சல் ஏற்படும்.

விவசாயிகள்

விவசாயிகளுக்கு விளைச்சல்கள் சுமாராக இருக்கும். சந்தையில் விளைபொருட்களுக்கு ஏற்ற விலை எதிர்பார்த்தபடி கிடைக்கப் பெறுவதால் மகிழ்ச்சி அடைவீர்கள். குடும்பத்தில் சுபிட்சமும் சந்தோஷமும் நிறைந்திருக்கும். அரசு வழியில் வரவிருந்த மானிய உதவிகள் தாமதப்படும். சேமிப்பு குறையும். பங்காளிகளிடம் தேவையற்ற கருத்து வேறுப்பாடுகள் ஏற்படும். 

கலைஞர்கள்

வரவேண்டிய வாய்ப்புகள் போட்டிகளால் கைநழுவிப்போகும். கையிலிருக்கும் வாய்ப்புகளை சரியாக பார்த்து கொள்வது நல்லது. நினைத்த கதாபாத்திரத்திரங்களில் நடிக்க முடியாது. பொருளாதார நிலை சற்று சாதகமாக இருக்கும். அதிக அலைச்சலால் சுக வாழ்வு, சொகுசு வாழ்வு பாதிக்கும். சக நடிகர்களுடன் கவனமுடன் பழகுவது நல்லது.

பெண்கள்

உடல்நிலை ஒரளவுக்கு சிறப்பாக இருக்கும். நினைத்த காரியங்கள் நிறைவேறுவதில் சில தடைகளை சந்திக்க நேரிடும் என்றாலும் எதிர் நீச்சல் போட்டாவது வெற்றி பெறுவீர்கள். பணவரவு திருப்திகரமாக இருந்தாலும் வரவுக்கு மீறிய வீண் செலவுகளால் சேமிப்பு குறையும். பணிபுரியும் பெண்கள் உத்தியோகத்தில் நிறைய பிரச்சினைகளை எதிர்கொள்ள நேரிடும். குடும்ப விஷயங்களை பிறரிடம் பகிர்ந்து கொள்வதை தவிர்க்கவும். பேச்சில் கவனம் தேவை.

மாணவ- மாணவியர்

நல்ல மதிப்பெண்களைப் பெற்று பெற்றோர் ஆசிரியர்களின் பாராட்டுதல்களைப் பெறுவீர்கள். அரசு வழியில் வரவேண்டிய உதவிகள் தாமதப்பட்டாலும் எதிர்பாராத உதவிகள் தேடி வரும். உடன்பழகும் நண்பர்களால் சிறுசிறு பிரச்சினைகளை சந்திக்க வேண்டி வரும் என்பதால் கவனம் தேவை. பயணங்களின் போது வேகத்தைக் குறைப்பது நல்லது. விளையாட்டுப் போட்டிகளில் நிதானமுடன் இருக்கவும்.

சனிபகவான் மகர ராசியில் உத்திராட நட்சத்திரத்தில் 24-01-2020 முதல் 10-05-2020 வரை

சனிபகவான் மகர ராசியில் உங்கள் ராசியாதிபதி செவ்வாயிக்கு நட்பு கிரகமான சூரியன் நட்சத்திரத்தில்  சஞ்சரிப்பதால் தொழில் உத்தியோகத்தில் சிறிது நெருக்கடிகள் ஏற்பட்டாலும் குரு 9-லும், ராகு 3-லும் சஞ்சரிப்பதால் பொருளாதார ரீதியாக அனுகூலமான பலன்கள் ஏற்படும். கணவன்- மனைவியிடையே ஒற்றுமை பலப்படும். குடும்பத்தில் திருமணம் போன்ற சுபகாரியங்கள் கைகூடி மகிழ்ச்சியும் பூரிப்பும் உண்டாகும். உடல்நிலை அற்புதமாக அமைந்து எந்த காரியத்தையும் எளிதில் செய்து முடிக்க கூடிய ஆற்றல் உண்டாகும். எதிர்பாராத வகையில் பண வரவுகள் கிடைக்கும். நீண்ட நாள் கனவுகள் அனைத்தும் நிறைவேறி மகிழ்ச்சி அளிக்கும். செல்வம், செல்வாக்கு உயரும். வெளிநாட்டுத் தொடர்புகளும் கிட்டும். தொழில், வியாபாரத்தில் உடன் இருப்பவர்களை அனுசரித்து சென்றால் முன்னேற்றம் உண்டாகும். உத்தியோகத்தில் வேலை பளு அதிகப்படியாக இருந்தாலும் நல்ல வாய்ப்புகள் அமையும். விநாயகர் வழிபாடு செய்வது உத்தமம்.

சனிபகவான் மகர ராசியில் வக்ர கதியில் 11-05-2020 முதல் 28-09-2020 வரை

சனிபகவான் மகர ராசியில் வக்ர கதியில் சஞ்சரிப்பதால் எதையும் எதிர்கொண்டு ஏற்றமிகுந்த பலன்களை அடைவீர்கள். சர்ப கிரகமான ராகு 3-ல் சஞ்சரிப்பதால் எடுக்கும் முயற்சியில் அனுகூலங்கள் உண்டாகும். குரு வக்ர கதியில் சஞ்சரிப்பதால் பண விஷயத்தில் சிக்கனத்துடன் இருப்பது நல்லது. வயிறு சம்மந்தப்பட்ட பாதிப்புகள் ஏற்படலாம் என்பதால் உணவு விஷயத்தில் கவனமான இருப்பது நல்லது. சுக வாழ்வு சொகுசு வாழ்வில் பாதிப்பு உண்டாகும் என்றாலும் உங்கள் திறமையால் எதையும் சமாளித்து ஏற்றங்களைப் பெறுவீர்கள். தொழில் வியாபாரம் செய்பவர்களுக்கு சற்று மந்த நிலையை சந்தித்தாலும் தேக்கமடையாமல் லாபம் பெற முடியும். உத்தியோகத்தில் இருக்கும் நெருக்கடிகள் குறைந்து நல்ல வாய்ப்புகள் கிடைக்கும். தேவையற்ற அலைச்சல்கள் டென்ஷன் மற்றும் அசையா சொத்து வகையில் வீண் செலவுகளை சந்திக்க நேரிடும். தட்சிணாமூர்த்தியை வழிபாடு செய்வது உத்தமம்.

சனிபகவான் மகர ராசியில் உத்திராட நட்சத்திரத்தில் 29-09-2020 முதல் 22-01-2021 வரை

சனிபகவான் உங்கள் ராசிக்கு 5-ம் அதிபதி சூரியன் நட்சத்திரத்தில் 10-ல் சஞ்சரிப்பதும், ராகு 2-ல், கேது 8-ல் சஞ்சரிப்பதும் சாதகமற்ற அமைப்பு என்பதால் முடிந்தவரை தேவையற்ற பயணங்கள் தவிர்ப்பதும் நேரத்திற்கு உணவு உண்பதும் நல்லது. எடுக்கும் முயற்சிகளில் சிறுசிறு தடைகள் நிலவினாலும் எதிர்நீச்சல் போட்டாவது வாழ்வில் முன்னேற்றி விடுவீர்கள். தனகாரகன் குரு 9-ஆம் வீட்டில் 20-11-2020 முடிய சஞ்சரிப்பதால் தாராள தனவரவு ஏற்பட்டு உங்களது அனைத்து தேவைகளும் பூர்த்தியாகும். கொடுக்கல்- வாங்கலில் பெரிய தொகைகளை ஈடுபடுத்துவதில் கவனம் தேவை. தொழில் வியாபாரம் செய்பவர்களுக்கு போட்டிகள் பல ஏற்பட்டாலும் அடைய வேண்டிய லாபத்தை அடைய முடியும். உத்தியோகஸ்தர்கள் தங்கள் பணிகளில் மட்டும் கவனம் செலுத்துவது நல்லது. பேச்சில் நிதானமாக செயல்படுவது பல்வேறு பிரச்சினைகளை தவிர்க்க உதவும். துர்க்கையம்மன் வழிபாடு, அஞ்சநேயர் வழிபாடு செய்வது நல்லது.

சனிபகவான் மகர ராசியில் திருவோண நட்சத்திரத்தில் 23-01-2021 முதல் 23-05-2021 வரை

சனிபகவான் மகர ராசியில் சந்திரன் நட்சத்திரத்தில் சஞ்சரிப்பதால் தொழில் வியாபார ரீதியாக எடுக்கும் முயற்சிகளில் சில இடையூறுகளை சந்தித்தாலும் எதிர்நீச்சல் போட்டாவது முன்னேறி விடுவீர்கள். பணவரவுகளில் நெருக்கடிகள் ஏற்படும் என்றாலும் 10-ல் சஞ்சரிக்கும் குரு அதிசாரமாக 06-04-2021 முதல் 11-ல் சஞ்சரிக்கும் காலத்தில் எதிர்பாராத உதவிகள் கிடைத்து எதையும் சமாளிக்கும் ஆற்றலும் உண்டாகும். கொடுக்கல்- வாங்கலில் சற்று கவனமுடன் செயல்படுவது மூலம் வீண் விரயங்கள் குறையும். பெரிய முதலீடுகளை ஈடுபடுத்தி செய்ய நினைக்கும் காரியங்களில் கவனம் தேவை. ராகு 2-ல், கேது 8-ல் சஞ்சரிப்பதால் உடன் இருப்பவர்களை அனுசரித்து செல்வது நல்லது. தேவையற்ற அலைச்சல்கள் உண்டாகலாம். அசையா சொத்து வகையில் சுப செலவுகள் ஏற்படும். சுகவாழ்வு சொகுசு வாழ்வு பாதிப்படையும். ஆஞ்சநேயர் வழிபாடு, அம்மன் வழிபாடு மேற்கொள்வது நல்லது.

சனிபகவான் மகர ராசியில் வக்ர கதியில் 24-05-2021 முதல் 10-10-2021 வரை

சனிபகவான் மகர ராசியில் வக்ர கதியில் சஞ்சரிப்பதால் தொழில் வியாபாரத்தில் நல்ல முன்னேற்றமான நிலையினை அடைய முடியும். புதிய கூட்டாளிகள் சேருவார்கள். தொழிலாளர்களின் ஒத்துழைப்புகள் மகிழ்ச்சி அளிக்கும். உத்தியோகஸ்தர்களும் பணியில் மன நிம்மதியுடன் செயல்பட முடியும். எதிர்பார்த்துக் காத்திருந்த ஊதிய உயர்வு, இடமாற்றம் போன்றவை கிடைக்கும். உயரதிகாரிகளின் பாராட்டுதல்கள் மகிழ்ச்சியினை உண்டாக்கும். உத்தியோக ரீதியாக மேற்கொள்ளும் பயணங்களால் அனுகூலம் உண்டாகும். குரு வக்ர கதியில் சஞ்சரிப்பதால் பணவரவுகள் சிறப்பாக இருக்கும். கடன்கள் நிவர்த்தியாகும். குடும்பத்தில் மகிழ்ச்சி தரக்கூடிய நிகழ்ச்சிகள் நடைபெறும். சர்ப கிரகமான ராகு 2-ல், கேது 8-ல் சஞ்சரிப்பதால் கணவன்- மனைவியிடையே விட்டு கொடுத்து சென்றால் வீண் பிரச்சினைகளை தவிர்க்க முடியும். உணவு விஷயத்தில் சற்று அக்கறை எடுத்து கொள்வது நல்லது. விநாயகர் வழிபாடு, துர்க்கை வழிபாடு மேற்கொள்வது நல்லது.

சனிபகவான் மகர ராசியில் திருவோண நட்சத்திரத்தில் 11-10-2021 முதல் 17-02-2022 வரை

சனிபகவான் ஜீவன ஸ்தானமான 10-ல் சந்திரன் நட்சத்திரத்தில் சஞ்சரிப்பதால் எதிலும் பொறுமையுடன் செயல்பட்டால் முன்னேற்றங்களை அடைய முடியும். தொழில் வியாபாரத்தில் நெருக்கடியான நிலை இருந்தாலும் வரும் 20-11-2021 முதல் தன காரகன் குரு பகவான் லாப ஸ்தானமான 11-ல் சாதகமாக சஞ்சரிப்பதால் நினைத்த காரியங்கள் நிறைவேறும். எடுக்கும் முயற்சிகள் அனைத்திலும் வெற்றியும் லாபமும் கிட்டும். தடைப்பட்டுக் கொண்டிருந்த திருமண சுப காரியங்கள் யாவும் தடை விலகி கைகூடும். குடும்பத்தில் மகிழ்ச்சி நிறைந்திருக்கும். சிலருக்கு புத்திர பாக்கியம் உண்டாகும். சர்ப கிரகமான ராகு 2-ல், கேது 8-ல் சஞ்சரிப்பதால் உடல் ஆரோக்கியத்தில் அக்கறை எடுத்து கொள்வது, நெருங்கியவர்களை அனுசரித்து செல்வது நல்லது. கொடுக்கல்- வாங்கலில் இருந்த தேக்கங்கள் விலகும். உத்தியோகத்தில் விரும்பிய இடமாற்றங்களை அடைய முடியும். பெரிய மனிதர்களின் தொடர்புகளால் நெருக்கடிகள் குறையும். ஆஞ்சநேயரையும் சர்பேஸ்வரையும் வழிபடுவது உத்தமம்.

சனிபகவான் மகர ராசியில் அவிட்ட நட்சத்திரத்தில் 18-02-2022 முதல் 28-04-2022 வரை

சனிபகவான் 10-ல் ராசியாதிபதி செவ்வாய் நட்சத்திரத்தில் சஞ்சரிப்பதால் எதிர் நீச்சல் போட்டாவது முன்னேற்றங்களை அடைந்து விடுவீர்கள். குரு பகவான் லாப ஸ்தானத்தில் சஞ்சரிப்பதால் பொருளாதார ரீதியாக வலமான பலன்களை அடைவீர்கள். எடுக்கும் முயற்சிகளில் வெற்றி கிட்டும். குடும்பத்தில் மகிழ்ச்சி நிலவும். உடல் ஆரோக்கியம் சிறப்பாக இருக்கும். கடன்கள் நிவர்த்தியாகும். சாய கிரகமான ராகு 2-ல், கேது 8-ல் சஞ்சரிப்பதால் பேச்சில் சற்று நிதானத்தைக் கடைப்பிடிப்பதால் வீண் பிரச்சினைகளை தவிர்க்கலாம். கொடுக்கல்- வாங்கல் சாதகமாக இருக்கும். திருமணமாகாதவர்களுக்கு நல்ல வரன்கள் தேடி வரும். புத்திர வழியில் மகிழ்ச்சி உண்டாகும். தொழில் வியாபாரம் செய்பவர்களுக்கு ஓரளவுக்கு நல்ல லாபம் கிடைக்கும். கூட்டாளிகளும் சற்று அனுகூலமாகச் செயல்படுவார்கள். உத்தியோகஸ்தர்களுக்கு பணியில் நிம்மதியான நிலையிருக்கும். தேவையற்ற பயணங்களை தவிர்ப்பதால் அலைச்சல்களும் வேலைபளுவும் குறையும். ஆஞ்சநேயரையும் விநாயகரையும் வழிபடுவது உத்தமம்.

சனிபகவான்அதிசாரமாக கும்ப ராசியில் அவிட்ட நட்சத்திரத்தில் 29-04-2022 முதல் 04-06-2022 வரை

சனிபகவான் உங்கள் ராசிக்கு லாபஸ்தானமான 11-ல் அதிசாரமாக ராசியாதிபதி செவ்வாய் நட்சத்திரத்தில்  சஞ்சரிப்பதால் எடுக்கும் முயற்சிகளில் வெற்றி மேல் வெற்றியினைப் பெறுவீர்கள். பொருளாதார நிலையிலிருந்த தடைகள் விலகும். உத்தியோக ரீதியாக எதிர்பார்க்கும் உயர்வுகள் எளிதில் கிடைக்கும். சக நண்பர்களிடம் இருந்த பிரச்சினைகள் விலகி ஒற்றுமை உண்டாகும். கொடுத்த வாக்குறுதிகளை காப்பாற்ற முடியும். தொழில் வியாபாரத்தில் இருந்த போட்டிகள் விலகி ஏற்றம் மிகுந்த பலன்களை அடைவீர்கள். வேலையாட்களால் ஒரளவுக்கு நற்பலன்களை அடைவீர்கள். குரு 12-ல் சஞ்சரிப்பதால் ஆடம்பர செலவுகளை குறைப்பது நல்லது. ஜென்ம ராசியில் ராகு, 7-ல் கேது சஞ்சரிப்பதால் கணவன்- மனைவியிடையே விட்டு கொடுத்து செல்வது நல்லது. உடல் ஆரோக்கியம் சிறப்படையும். வெளிவட்டாரத் தொடர்புகளால் அனுகூலமான பலன்கள் உண்டாகும். துர்க்கையம்மனை வழிபடுவது, தட்சிணாமூர்த்தியை வழிபடுவது உத்தமம்.

சனிபகவான் வக்ர கதியில் 05-06-2022 முதல் 21-10-2022 வரை

சனிபகவான் வக்ர கதியில் சஞ்சரிப்பதால் குடும்பத்தில் மகிழ்ச்சி தர கூடிய நிகழ்ச்சிகள் நடைபெறும். தொழில் வியாபாரம் செய்பவர்கள் எதிலும் நிதானமாக செயல்பட்டால் ஏற்றங்களை பெறலாம். வம்பு வழக்குகள் முடிவுக்கு வரும். உத்தியோகஸ்தர்கள் சிறுசிறு தடைக்கு பின் உயர்வுகளை பெறுவார்கள். புதிய வேலை தேடுபவர்களுக்கு தகுதிக்கேற்ற வேலை வாய்ப்பு கிட்டும். செல்வம் செல்வாக்கு பெருகும். வீடு மனை வாங்கும் யோகம் அமையும். நினைத்த காரியங்கள் கைகூடி மகிழ்ச்சி அளிக்கும். பண வரவுகள் திருப்திகரமாக இருந்தாலும் 12-ல் குரு இருப்பதால் கொடுக்கல்- வாங்கலில் மிகவும் கவனமுடன் செயல்படுவது நல்லது. சுபகாரிய முயற்சிகளில் தாமதநிலை உண்டாகும். ஜென்ம ராசியில் ராகு, 7-ல் கேது சஞ்சரிப்பதால் குடும்பத்தில் ஒற்றுமை குறைவு ஏற்படும் என்பதால் விட்டு கொடுத்து செல்வது முன்கோபத்தை குறைத்துக் கொள்வது நல்லது. அஷ்டலட்சுமி வழிபாடு, விநாயகர் வழிபாடு செய்வது உத்தமம்.

சனிபகவான் மகர ராசியில் அவிட்ட நட்சத்திரத்தில் 22-10-2022 முதல் 17-01-2023 வரை

சனிபகவான் ஜீவன ஸ்தானமான 10-ல் அவிட்ட நட்சத்திரத்தில் சஞ்சரிப்பதாலும், ஜென்ம ராசியில் ராகு, 7-ல் கேது, 12-ல் குரு சஞ்சரிப்பதாலும் பண வரவை காட்டிலும் எதிர்பாராத வீண் செலவுகள் ஏற்படும் என்பதால் எதிலும் சற்று கவனமுடன் நடந்து கொள்வது நல்லது. தொழில் வியாபாரத்தில் நிறைய போட்டிகளையும், மறைமுக எதிர்ப்புகளையும் சந்திக்க வேண்டியிருக்கும். பெரிய முதலீடுகளை ஈடுபடுத்துவதை தவிர்ப்பது நல்லது.  உத்தியோகஸ்தர்கள் எதிர்பார்க்கும் உயர்வுகள் தடைப்படும். உடல் நிலையில் கவனம் செலுத்த வேண்டும். கணவன்- மனைவியிடையே சிறுசிறு வாக்குவாதங்கள் தோன்றி மறையும். குடும்பத்தில் தேவையற்ற குழப்பங்கள் நிலவும். பயணங்களால் அலைச்சல் அதிகரிக்கும். திருமண சுப காரியங்களுக்கான முயற்சிகளில் தாமதநிலை ஏற்படும். விநாயகரையும், தட்சிணாமூர்த்தியையும் வழிபாடு செய்வது உத்தமம்.

அதிர்ஷ்டம் அளிப்பவை

எண் – 1,2,3,9, நிறம் – ஆழ்சிவப்பு                                 கிழமை – செவ்வாய்

கல் – பவளம்               திசை – தெற்கு                           தெய்வம் – முருகன்